Sunday, April 20, 2003

又睇戲..不過今次舉家

冇乜試過舉家(通常阿爹唔去架or剩係同阿娘去)
去睇戲.今次就去左睇特務憨J..見到阿爹都睇到笑.我都幾開心.

之后食完pizza hut返屋企,就瞓瞓瞓瞓瞓到六點幾喇我.

Saturday, April 19, 2003

埋洲

好罕有地,毫無掙扎下,我七點就起左身.因為今日係燒野食O既大日子呀.同第個燒都無咁興奮,今日係同屋企人燒呀..成兩年冇喇都.
八點係沙田等表哥,約左屎文係大學八號半卡,八點半到太和百佳.
但係原來表哥同姑媽一齊,姑媽又約左阿女麻同姑姐..所以八點半我地都仲係沙田.
到左太和之后就開始搬野喇好幾十人O既糧草就由凸種暴隊負運.搬上搬落都咪話唔辛苦..仲整損左只手添.

不得不提今次有咩燒>>完完整整米鴨一隻,大大條O既大眼雞三條,蜆,青口,雞中翼,雞全翼,豬頸肉,椰菜,蜜豆,粟米,蝦,不知名O既菇,芝士腸,紅腸,波etc.冰凍o既西瓜啤酒汽水涼茶果汁梗係唔少得啦最美中不足呢就係少左冬菇磨菇多春魚同鱔呀.不過唔緊要..有雪糕撘夠啦.

之后,唔知算唔算得閒得滯,我同班小朋友玩埋洲..超超超好好好玩.入左中學之后..我都未玩過喇.heehee..又變番細路添.
如果..間唔中都有得咁玩下就好喇一定要同屋企人..因為唔見得有咩朋友仔肯玩呢d低b野架喇.

Friday, April 18, 2003

假期都要番學

今日係GOOD FRIDAY..
但係都要番學.好神奇地,我阿妹居然陪我番喎.
咁我就番去上左十五分鐘MKT交低D野.就去陪阿妹喇.
為左報答佢我請佢睇DREAMCATCHER.
之后兩條友得閒得滯就跑左上新田圍打搞下姑媽喇.

Thursday, April 17, 2003

自己

很久沒有嘗過很想得到一樣野o既滋味.
有一點似回到十五,六歲的感覺.那種做不緊,抓不住的..好令人忐忑.
其實,干的東西都沒有什麼不同,還不是聊聊天,打打枱波的.感受今天卻大不同.
或者,我實在混亂了.混亂中,變得敏感.可是,為何敏感了?為誰敏感了?而又該我敏感了嗎?
應該好好放鬆一點.
因為我並不是誰,我只是我自己而己.

Tuesday, April 15, 2003

沙廣新GREEN BOX

今日收到morning call o既時候己經差唔多七點九.
趕唔切上第一堂.咁就斯斯然去上第二堂.
佢黎左接我放學.玩完呢個科大一圈遊之后.佢同左我去green box唱k.
可能佢真係太攰太攰.佢有d力不從心,唔係太唱到.
結果大部份時間都係我係度唱.一首接一首.
雖然,我勁好唱歌.但係,最唔捨得,最令人難忘o既係,坐在他懷裡的時間.
我敢講,個陣,要時佢同我講任何野,我都會應承.
還有什麼障礙..還能夠有什麼障礙?答案只可以係一個..除非所有o既野都只不過係一個騙局.
算了,都是別想了,反正,半點不由人.

沙廣新GREEN BOX

今日收到morning call o既時候己經差唔多七點九.
趕唔切上第一堂.咁就斯斯然去上第二堂.
佢黎左接我放學.玩完呢個科大一圈遊之后.佢同左我去green box唱k.
可能佢真係太攰太攰.佢有d力不從心,唔係太唱到.
結果大部份時間都係我係度唱.一首接一首.
雖然,我勁好唱歌.但係,最唔捨得,最令人難忘o既係,坐在他懷裡的時間.
我敢講,個陣,要時佢同我講任何野,我都會應承.
還有什麼障礙..還能夠有什麼障礙?答案只可以係一個..除非所有o既野都只不過係一個騙局.
算了,都是別想了,反正,半點不由人.

Sunday, April 13, 2003

慈雲山之行

話咁快就一年喇.重遊舊地去拜爺爺.
每一次諗起爺爺就難免一陣傷感.
記得從前,佢點樣接我送我.
記得從前,佢點樣為我買芒果買雪糕.
記得從前,佢總以為我愛吃mcdonalds....記得好多野.
記得,我要佢等我成粒鐘.
記得,我係唯一一個冇去睇佢.
記得,我連燒野俾佢都做唔到....都記得.

Friday, April 11, 2003

8310

今日,好悲痛地向大家宣佈>>>>我唔見左我個部跟左我大半年o既黑色8310.
好苦.好痛.
要面對o既始終要面對.
結果..8310(紅色)番左黎.但係要找條兩千塊o既數.
ann+小睡>>謝你陪我傻.
屎文>>謝你仗義.
阿文>>謝陪玩謝陪聊天謝安慰謝安我心.
總之,謝.

Tuesday, April 1, 2003

愚人節

今日被人愚弄左添.晏晝係惠康度買野個陣..
'獲悉'香港將會被列為疫埠.我仲打番屋企話俾阿妹聽叫佢叫lili買食送添.
真慘..被昆了添.
跟住..條氣有d唔順.就作左d無聊o既icq msg send出去喇.
條氣順晒