Wednesday, December 29, 2004

小肥羊

度過左幾日冇啖好食又冇野好玩之后
係潮州番黎
當然要補一補..
結果就去我恨左好耐o既小肥羊度打b爐.

有羊肉,羊肉丸,炸羊肉丸,羊肉餃子,羊肉包,羊心,鴨腸,肥牛,黃金大餅等多種食物
其中的羊肉同兩種羊肉丸都好有羊味..
另外黃金大餅香脆加鬆軟都好惦..
仲有個魚皮餃..竟然做到係爽的!!!

一個字: 正!

唯一美中不足o既就係食唔到傳說中o既驢肉..

ps..下次去都要記得早d,今次六點未夠就到,個度都淨番冇幾多個位

Saturday, December 25, 2004

耶旦禮物

今日我們約定在阿女麻度玩交換禮物..
經過一大輪games..人人有禮

我自己: 獲得屎欣的射槍發標同哈姆太郎杯一只,價值三十三元正
太好了...我屋企終於有玩具,大家黎玩唔怕悶喇
更好了...我剛打爛左唔知邊個只杯..第一次收杯收得咁岩使

肥妹妹: 獲得醬爆俊精選美極一支同沙甸魚一罐,價值二十元正
我覺得佢都幾無奈..

屎燕 : 綠色精美筆袋一個.價值不詳.

屎文 : 照妖鏡一面同腸仔一條,價值二十個零一.
屎欣按--岩晒佢啦,用黎g 暗瘡

屎欣 : 萬花筒一個 (全場大奬),價值三十八元正.
雖然冇咩用,但佢都好似幾欣賞.

醬爆俊 : 火雞骨一袋,干魚仔一包加baleno襪三對加聖旦襪一只,價值三十一元正
前面個兩樣,係佢d伯父私人醒o既

希希 : 早餐加零食,價值二十個零二.
佢好似cool緊牙...

表姐 : 由表哥推介underprice禮品,baleno襪加頸巾,價值十七元正
估唔到表哥竟然買唔夠二十蚊..嘿嘿..

表哥 : 不太情願地中左m記屎路比玩具加屎路比簿..價值不詳
因為係由表姐係屋企堆野度隨意選出..嘿嘿..好明顯果都係會番番入堆野度..
表哥都選惡有惡報..嘩卡卡

Friday, December 24, 2004

我的平安夜笑位

今日係christmas eve..
當人人都好happy咁play緊時候
我係度睇緊浮華世界
當踏入耶旦個刻
我就係度睇緊海明威o既戰地春夢
..............

今日我地一行六人
dating左係tst..
出度去發現star下面間大快樂竟然冇火!
氣極決定去金鐘睇下
....我表姐屎文搭船去..
上層多人多到爆炸..坐下層又平d..又人少d..爽
去度金鐘遠東大快樂..仲有三支人未到
到來屎燕就同肥肥meet到一齊黎
他媽的雞丫
又冇火鍋..
更他媽的雞o既係..
竟然扮冇鐵板餐...完全不可以原諒!
人人買都有..係我地冇..
唔係我地(表哥遲來就有!).
係我同屎燕先岩..
結果食煲仔飯同羊腩煲

去后去左中環睇聖旦樹同人迫..
之后就閃喇我...唉...幾時先有自由..
噢..瑪莉...

ps.表姐仲未send d pic俾我囉


今日出現過好多笑位...

160--阿爺對長子嫡孫屎文的啟事原來就係1999年6月30日封利是入面囉

雙蓮--表姐按: 潘金蓮 \ 余慕蓮 沒有分別

老鼠--表姐按: 又話買只紫外線mouse俾我..

Thursday, December 23, 2004

c-

本來今日心情好好
韓燒好味..天氣好好..
但係呢類美好o既時光都係捱唔耐o既!
返到黎..他媽的雞.
又c-
321居然c-!
你叫我讀落去仲有咩意思
讀唔讀上唔上堂溫唔溫書俾唔俾心機
都係冇咩分別..
上年新年我想o既係不勞而獲
我依家得到o既係勞而不獲..
我想我都係前途x虞..

Tuesday, December 21, 2004

在地鐵站休息

今日我終於醒覺咁還番本mgto321俾蛇仔
好過份(1)佢唔記得左我電話
好過份(2)佢冇入我電話入佢部電話
好過份(3)佢唔記得約左我
不過結果還左書俾..亦都好多謝佢咁幫忙

約左五點本係旺角..
出門口之前我妹話想嘔
不什為意..都係想唧..
點知去到地鐵..佢愈黎愈唔妥
結果由黃大仙捱到屎抓wei就落左車
佢對住個垃圾桶好耐都嘔唔出
結果坐係到休息然后打俾蛇仔話改係屎抓wei度meet
一邊等一邊休息..
冇乜試過咁樣係月台stay咁耐.
交完書就諗住過九龍塘轉火車番沙田啦
怎知..我上左車..先發現我妹上唔到..
..超無奈..咁我係九龍塘等佢..
一上番地鐵本來好番好多o既佢又唔妥喇
..問同治堂個膠袋以備不時之需
係火車入面,妹要痞係度..佢話咁樣就唔辛苦..
番到沙田..佢又冇咩lu..食雪糕再買筆袋再meet表哥..
番到禾輋都好似冇咩lu

Monday, December 20, 2004

好難受

真的好想你知道
你突然的變得冷淡冷漠no response
都會令我好難受..係超難受
好想發脾氣
好想即刻cut線
但我冇,我忍住
因為覺得..
你都可能係好多地方忍讓我..
所以我都嘗試忍讓一下..
個種係一種好討厭o既感受..
最抵死係我唔覺得自己有做錯到

個一刻好唔開心..
雖然第二朝訓醒又冇乜野
不過每一次諗起個種痛苦法
都仲好想鬧人..

ps一直我都以為你真係個好講得笑o既人...

Saturday, December 18, 2004

想點

沒有錢 仍然買野
沒有時間 仍然出街
我就係咁..

買左兩只髮夾一個筆袋
只剩一百蚊..
今個月只剩一百蚊..想死

書沒有睇過..一眼都未眼過
唔知點算..但係唔理

有時我會問自己究竟想點
問咁多次都一樣係無答案
人生有咩目標..我唔知道
生存有咩意義..我都想知
即使俾我搵到份
人工又高福利又好假期又多時間又彈性又唔使點做o既工
我都唔覺得我會特別快樂..雖然有份咁o既工係大部份人o既奢求

有時會好羨慕個d好知自己要做d咩or應該做d咩o既人
又會好唔抵得個d無所事事無什作為但又無咩所謂o既人
而我
只係兩者之間..對整個世界仍然感到無所適從o既閒人

ps的煩惱:
對搵工一直都唔係太熱衷
唔想好似人人咁仆到咁去申請d銀行o既post
我想自由一d..有趣一d..

Sunday, December 5, 2004

機器

year3fallsem的生活讓我感覺自己像機器而這件新型機器的名稱是paper/project generator!!!
效率特快,references特少,圖片特多,而分數就唔知喇...所有 野都係夾硬bit出黎o既
有d寫左出黎先特然發覺自己原來咁快學左咁多野(自學)
有d寫完都唔知寫乜都照交
有d就係明與唔明之間..因為夾雜左太多用黎呀位o既字
係唔係人人都係咁架呢..定係d人year1開始就己經係咁..又或者係我能力特低先至係咁??
幾時先可以休息下..長眠..

Wednesday, December 1, 2004

神的安排

今日終於見識到咩叫唔fair.
終於明白點解gigi唔俾我同佢地一組原因只有一個>>>
唔想拖累我!!

今日見識到佢地o既真功夫..廿個佩服.
成班人,我睇唔到有一個人(prof唔計因為佢坐我后面)唔笑到碌晒地
睇唔到有一個人聽得明佢地up乜
睇唔到有一個人頂得佢順.
除左成個presentation都好似同structure關係不大之外除左佢親身上鏡戴晒護士帽係lg4前面扮interview之外除左佢地係對ha根本係一知半解之外除左一d完全唔合logic o既analysis同reommendations之外最令我費解o既就係..點解佢地明抄ha 網頁d documents都可以做成咁...無奈晒...

可能今日開始佢會好討厭我覺得我針對佢..但我自問冇至少我都未post enb同幫佢寫hp..我只係比平時active少少,專心左少少.involve得多左少少唧(都有少少內疚..好似搞到報仇咁..唔似我一貫作風)
阿thy話..可能係神o既安排帶我遠離d..唔適合o既人..

Tuesday, November 23, 2004

傷害

或許你唔知你發皮氣.
你唔出聲.你俾說話我聽.我會有多難受.
每次你都總有你的理由..每次都是我多疑過慮小心眼..都不要緊.
但..在這不適當的時候著了你一道兒..我只可以嘆句無奈
人人都可以傷害我我自己都可以你當然一樣可以
可以一臉無辜,狠狠的,在半不知情時遺下我一個讓我落一個滿身傷痕
是報仇嗎..還是我罪有應得?

Monday, November 22, 2004

見牧師

今日book左個apmt見轉導去到..原來佢係個牧師黎..講左都好多野..學校的..屋企的..朋友的..其實應該點做我自己都知..只不過搵個唔相關又信得過o既人講下又好似好d咁但係可能講個d都係d唔開心o既野之后心情都唔係太好.交低左d野俾winnie就走左都覺得自己少衰..lisa病左我都唔番..但係我想話..我都病了..是心病.
ps..thy grant到合理$$<< goodgood..& 多謝何力人..本書..^^

Thursday, November 18, 2004

遺棄

今天下午放了很熱的水泡在水中,我哭了而且哭得有點竭思底理.
雖然我知和那賤人的瓜葛只是不幸
別的組不接納也只是人之常情
唯一的朋友病了不好打擾只是巧合
那種被遺棄..被孤立..不被體諒不被了解的感受郤叫我要瘋掉
不該抱怨不幸事總臨到我頭上,因這叫天妒英才
但是在那一剎,我迷惘了不知道這是否我該走的道路

如果裝個哈巴狗,故意巴結奉承就可以告別厄運,我會願意嗎?
問自己,是性格使然?還是命運使然?
要崩潰..我卻無加挽回.
即使只回想在這學校的三年..亦能使整個世界塌陷..
時也命也..只求可以留住我僅有的一點自尊一點驕傲.......................
好撐著表裡不一的我.

Tuesday, November 16, 2004

科大賤人

好好彩地,我同左個科大賤人一組.
問我幾時開會,應左佢地全部都話唔得閒.
到我就到佢地時間開會佢地就話自己傾晒.
send email俾我話今日gather info.
尋日佢就同professor講話我唔做野.
仲叫我轉組29號就dead!叫我轉組.

果然係傳說中o既賤人..我一定會據理力爭..太過份,完全係欺人太甚!!!
好好好好那燥

Monday, November 15, 2004

衣櫃

早上更衣出門的時候不斷在抱怨不夠衣服穿
結果決定下午去買一點反正很久都沒有花費過了..
三時多回到家中開始整理東西(上星期才整理過一次..執左一大袋唔要o既物資出黎)
再執左d野出黎. .我諗計埋再上一次執被棄置的..一個垃圾袋都放不下
但是..衣櫃還是滿滿的我不覺得自己有很多衣服喔決定數一數
以下是結果(當然唔計被盜,剛送了人同執左出黎個d啦)
半x裙(skirt) --- 23
長短褸 -------- 23
牛仔褲 -------- 約20
腰帶 ---------- 13(上季才棄掉十多條=.=)
還有不計其數的衫. .其他質地的褲. .連身裙同一d我好少著的奇怪衫裙
睇下睇下. .原來著黎sleeping的都有一櫃
我從來都唔發覺自己買左咁多野. .真令人費解

Saturday, November 13, 2004

AO

你話. .俾我做到ao咁仲成世界o既. .
但係..我又真係幾想做
如果等我畢業先慢慢搵工. .d人見到我成績咁好. .我都好難發到圍. .
但係依家如果俾我執到件筍貨. .係咁e捱兩年騾仔..之后仲有人理鬼我咩成績咩
況且爹娘爺. .都投身公務. .做政府又薪高糧準..嘿..你都咪話唔歎..
不過可以肯定..到時我o既私人時間肯定會少好多
同埋仲要一副老成持重咁款..

不過睇錢份上請我啦請我啦請我啦

Friday, November 12, 2004

手提電話

想買手提電話都一段日子.
岩機就唔岩價. .到岩價又出左新機. .
等再有新機出,希望部半新機跌價. .
佢又唔跌結果搞到依家屎都未買得成
睇下睇下..除左部k700i(最衰抽奬抽唔中)同7610之外
部6670都好似好唔錯咁..但係唔知幾銀..肯定唔方平
2650夠平但係又冇相機喎..差的愈睇部6670愈可愛..睇下睇下. .又想買相機添..

PS..差d漏左部6260添,我都幾喜歡

Wednesday, November 10, 2004

小神蹟

今日我不斷禱告. .每遇上不如意事,或者來勢不佳時..我就禱告..
每次就在我禱告后..就會逢凶化吉..好像電影情節一樣..
多禱告罷. .信與不信也好.請多禱告.

Tuesday, November 9, 2004

漫長的適應期

有多少年我沒有如此用心過?我想有七八年罷..
日以繼夜的..除了僅有而沒質量的睡眠時間外,就是在努力工作.
雖然不是什麼的體力勞動. .只是兩眼發直的望著螢光幕一天十多小時的..實在很累人..
累得玩新接龍的精神也沒有.
這幾天算是我三年大學生涯裡最充實的幾天罷..才確確實實的感到自己大學生身份的存在價值..
很可惜..當我初償這種汗流浹背而又能自我肯定的感受時..距離畢業的時間己經不遠了.
好一個漫長的適應期!

Friday, November 5, 2004

如果我還是從前的我如果我沒有改變過
那麼 今天起 我又再次是個單身的人了
這些時間我學了忍耐..
學了呼汲..
學了思考..
學了體諒(仲係唔係好得)..
學了暫時不說話(但係會俾人鬧)..
坐在七仔前面的大半小時沒有不斷看錶沒有氣極而去就暫時將那一口氣嚥下個多小時
結果是現在的相安無事雖然想起時還有一點難過但總比放棄掉好.
百忍終成金

Thursday, November 4, 2004

放不低

到依家,我不得不承認,那一段過去,我一直都放不低.
每一次見到佢online我都忍唔住click去佢guestbook diary之類
甚至連佢女朋友o既相簿 留言板都唔放過
暗暗咁希望惡人有惡報
雖然每次見到恩愛o既語句
都會心口隱隱作痛的一邊為那個女仔不值一邊為自己不值
不見得我會想他死只是很想恨他
對其他的過去我一直都無怨無悔無恨甚至無記憶 除了他
我己經不曉得我是恨他還是恨自己的失敗
從來在任何方面上都未嘗輸得這麼徹底由始至終都只是一個災難
或者將來我要結婚了會請他來婚宴..好好的了結他.

Wednesday, November 3, 2004

異常過火

本來本小姐今日心情好好. .遲左出門口又冇遲到(第一次自己搭隧巴咋)
同amanda又考得唔錯(雖然我彈錯)
288project又高分

最最最最最最最最討厭就係個個
tu chow ching!!!!!

人渣狗~對人唔對事. .pinpoint人跟住又開始運滯喇!
又有road block 又要等車又冇位坐他媽的雞!!

Tuesday, May 4, 2004

我一個人不會死

唔開preparation meeting.
完全absent.no response.
firm visit >>> 遲到個幾鐘 >>> 開波唔講野
唔整理資料整理埋資料俾佢唔睇
唔做ppt做埋俾佢都唔睇ppt
no script no rehersal!!!!!!!!!!!!!!!!!!!!!!!!!!!!!

咁我一支人做晒佢,一支人一組一支人present咪得囉頂你個肺 !
一個係咁兩個係咁個q個都係咁世界都記住千祈咪理我呀知冇 !!!
我一個人不會死 !

Thursday, April 1, 2004

聖經故事

由呢一晚開始. . 我會開始向人講聖經故事
一係希望聽個個信主
二係想自己接觸番多d
今日講左幾個都好鬼簡陋
因為好多細節都己經唔記得左
又或者我唔係一個識得講故仔o既人
不過聽日我會做好準備先講架喇

Wednesday, March 31, 2004

想度假

總發覺自己的心情很容易就變得很差...
好少事..成日發生o既事..都可以令我好燥
人地難受..我自己都好難受
有時..會有種想release o既感覺
好想佢係度..咩都唔理..個feel就好似去左度假咁
將d野暫時放低下.
雖然係暫事但係個人可以refresh下..其實真係會好好多..
不過始終治標唔治本
總得搵個方法好好改善改善一下

仍希望天天去度假

Tuesday, March 30, 2004

天生我儒睇死你

儒家思想的現代意義
概論
儒家思想是中華民族的寶貴遺產。在人類歷史上,以儒家思想為基礎的中華文明是唯一沒有中斷過的古代文明。在過去二千多年時間裡,儒家思想一代一代的影響中國人的思維。儒學能為現代人類社會提供有價值的資源,但亦不能否認其中實有不適用於現代的地方,我們不能盲目以為儒學就是無所不能的萬靈藥方。我們必須了解她對現代社會發展的影響,以取長補短,適應當前經濟全球化和文化多元化的新形勢。
以下先討論儒家思想的重點,再從經濟,和平,教育,三個角度探討其現代意義。

儒家思想的重點
儒家思想是一種人類社會道德倫理規範的學說。它的基本的理論是“性善論”。《三字經》首句是「人之初,性本善。性相近,習相遠。」意思指,人的本性是向善的,是好的,只因為後天生活習慣和環境的變化,才造成了各種行為的差異。(儘管後來出現了“性惡論”,但終究沒有被大眾接受,因此在此不談)
“仁”是儒家思想的核心,是儒家道德規範之本,儒家一切理論的出發點。“義”,“禮”亦是其中之基本概念。無論修身治國,儒家思想均主張要懷有一顆仁義的心腸和凡事守禮。大部份儒家的思想均見於《論語》,《孟子》,《中庸》,《大學》等著作中。

儒家思想在經濟方面的意義
不論當政者承認與否,全世界的主要國家都在行資本主義。曾有德國社會主義學家指出,中國的傳統儒家思想對企業家精神的發展存有很大的阻礙。他的講法或者亦不無道理:
一、 競爭與反競爭:《中庸》是儒家重要的著作。不偏之謂中,不易之謂庸。它主張不偏不倚,處處中規中距,是一種不認同鬥爭,排斥競爭的觀念。這與市場經濟主張的競爭性是對立的,與企業家精神中的敢於打破現狀,要走在尖端的精神,要從競爭中取得勝利的性格是矛盾的。
二、 人治與法制:儒家思想本質是人論的,人治觀念重,而法制觀念弱。孔子曾講到「子為父隱,直在其中。」人情比法制更為重要。儒家這種非理性的人治傳統約制著理性主義,遵從法制原則的企業家精神的發展。
但經過近百多年來西方文化對我國的衝擊,企業資本文化和法治精神己經站得起來。反而在這個中西合璧的情況中,儒家思想就可以起一個得好的作用。經濟中的法制的出現,是為了給商人一個規範,一個從商時的道德標準。而商人們為了個人利益,用盡各樣手段,從各種的途徑,尋找法制中的漏洞,而謀不義之財。為了眼前利益,損害他人,影響長遠經濟發展亦在所不惜。子曰:「放於利而行,多怨。」就是指眼中只有利益行事會招至怨恨。且看早陣子,美國的安然一案,公司隱瞞負債達三百多億美元,就可知一二。
「君子愛財,取之有道」講到,求財亦非違君子所為,只要跟從“道”,即儒家中的商業道德,在正途上獲取,亦無不可。法制只為約束不能自我克制,利慾薰心之商人。假若人人比取財有道,經濟就可以在一個健康的環境下得到長遠的發展。儒家思想實包含維持長遠利益的道理。[3][4][5][6][7][8]

儒家思想在和平方面的意義
「如果西方國家能了解儒家文化的忠恕之道,那麼戰爭便不會如此輕易的發生了。」南京大學社會系副主任賀曉星教授曾說到。儒家思想中,確實包含了很多和平的理念。
其中「和而不同」就是一個好好的例子。這個觀念雖然是由孔子於古時提出,但現代社會仍需要瞧著這個方向而努力。世界文化多元,每一個國家,每一種文化之間差異很大,很容易出現紛爭。再加上,科技日新月異,人類現時所擁有的核武,美國在積極發展的太空武器能量之大,可能把全人類,所有生物,以致這個星球,在一個按扭間,完全毀滅。如果我們只有「不同」,而做不到「和」,最終通向的只有滅亡。
在求同存異之外,我們還得守禮。家有家規,國有國法,地球一體代之下,為免混亂,亦應該有一套自覺遵守的通例。這並不等於現有的法律和條例,而是靠發自內心的辭讓,謙遜的。那麼,減少的不只是國與國的紛爭,就連人與人之間的無謂爭拗亦會大大減少,做到大和平,亦做到小和平。[9][10][11]

儒家思想在教育方面的意義
孔子的一句「有教無類」一直是我國不少老師的座右銘。這個觀點亦得到西方的認同。在大部份經濟許可的國家,兒意到達若干年齡,就可以獲得免費教育,就像香港的九年免費教育政策一樣。
而「因材施教」亦在近年受到高度的重視,發覺只有因著各個學生不同的材能,予以不同程度,不同內容的教育,效果才是最大。
現代教育所重視的德智體群美(五育)亦可追溯到儒家思想中的教育理念。中國從孔子時代已經強調「六藝」教育,堅持禮樂射御書數的教育中,人才可得以全面的培育。其中「樂」的作用在於透過、詩音樂或歌舞的感染,使人的情感得到修鍊,精神星華,實在是現代以音樂,詩詞作陶冶性情之用的始祖。

總結
從以上所得,儒家思想在現代社會中的經濟,和平和教育中仍存在著很大的意義。只要予以適當的理解和應用,全人類都將有大大的脾益。然而,儒家思想並不是完全適用於現代社會的每一個層面上,而儒家思想亦不是世界的多元文化唯一一個可取的。我們應該在各種文化中,取長補短,汲取各個文化中的精華,形成一個完整的地球文化,該我們和下一代能在一個和平穩定發展的理想局面一直美滿的生活下去。

Monday, March 29, 2004

大智若儒

儒學實為大智慧..睇到我頭都大埋..
聽日啦..聽日啦..過埋聽日..我就可以畢業...唔使再做孔子o既門生喇

><爆炸喇..嗚...如果我係生而知之者..你話幾好呢

Saturday, March 27, 2004

習慣

有時好怕好怕一d野會變成習慣
我怕有令身邊o既事物變得好routine..
冇創意冇新意...我會受唔住
如果有一日,就連等待同記掛都變成習慣
真係唔知點先可以面對...
連一份感情同愛都係習慣o既時候
咁一切一切仲有咩意思
感情仲會係感情愛仲會係愛咩??
習慣對於日常起居刷牙洗面固之然係件好事
但係,對於..有意思有內涵o既事情..習慣就係變質o既催化劑

可以令我們之間永遠保鮮嗎?

Friday, March 26, 2004

計數

好好好努力o既計條數..
發現我原來只要不再肥佬的話我係可以一maj兩min o既......

只要我勤力一點點
只要我走少d堂..
只要我print多d notes..只要...
我會加油要做的事總不會干不成 !

ps..仲有好多野要干...

Tuesday, March 23, 2004

黑日

做到四點先返上床. . 仲要訓唔到好耐都冇試過咁個腦不斷不斷浮現各種各樣的生活片段零碎. .片段與片段間毫無關連..只是..不停不停要我的腦袋運作..停不了
present..我的partner終於有回音喇係我見到佢個一剎那或者我仍然比她pre得好..只不過..唉..還是算了罷..我唔喜歡不在我控制之內的場面沒有運籌帷幄的感覺總令人渾身不自然
midterm..還好..我倘算懂得串william shakespear同romeo and juliet...有四分掛..他媽的..
ps--> 午覺沒好睡 --> 被騙了 --> 洗頭水給盜用了(是故意的..令人最氣憤的是..仲好似係我錯咁)--> 頭痛個沒完沒了

Monday, March 15, 2004

三十年的春夢

係咁俾人嘈...
係咁俾人用粗口嘈...
係咁俾人以無理取鬧式咁用粗口嘈...

成班渣滓!

徹底咁了結左一個人.
之前諗住用不了了之.發覺..唔夠徹底.
今日終於用朝秦暮楚四只字ko左.
on one hand,我係話佢..on another hand,我係幫緊佢話我.
呢個係一個開始.我要將從前的結一個個咁解開晒,ko晒.
我諗咁會對我,對我將來,對佢都好d.就好似將條街掃干淨..行都行得樂趣d一樣.

我想做一個有思想o既人然而我想做一個小朋友......好亂...
我知佢就返o既今日反而有點捉不緊o既感覺
我諗係我心倩煩燥罷
佢對我..係無可致疑的.
但以后..誰又可以保証.
我怕..得到之后,有一天將會全部失去...我會承受不來..
我會痛恨今日沒有前瞻的自己.
我唔想依家係發夢
更唔想,三十年之后先發覺係一場春夢...

或者係我過慮..又或者是我太累..
累了,真的很累了..

Sunday, March 14, 2004

獨裁主義/狂人

我係 一個獨裁者.
專係屋企進行政治迫害.
打遏無辜,趕絕異見人仕就係我o既強項.
強硬o既手腕絕對o既專權令我身邊o既人連一息呼吸o既空間都冇.
我就係個咁o既人.
本來我唔知架.係我妹的神情話我知o既!!

突然發覺自己變左狂人日記入面o既狂人.......
別人笑我太瘋癲..我笑他人看不穿
.......來吧..世人..把我吃掉!

Thursday, March 11, 2004

獨讀

係呢一刻我感到有點無助試做o既past paper..茫無頭緒.
情況總令人一次又一次o既氣餒
要怪就只能怪我不能投入學問之道,求其放心而矣我實在做唔到...
或者呢d都係藉口..我唔知與其努力與否結果都只會是一樣...
難道我又真的可以全心為過程而戰嗎??

告訴自己要多振作點..對..要多振作點..
就像昔日振作人家的心一樣來振作自己....
反正..路怎樣還是要繼續走下去..自己不支撐自己..怎麼活下去..
人活就要受各種磨練..現在也不過是滄海一粟..算不了什麼..
意義嘛..還是等我八十歲時再問這個問題罷.

物理!勿理!

計算著,發覺跟物理果真缺少了一點緣份

中三時..唔係有份阿sir的特製碌屎..我會追唔番一年課程
中五....迫自己做較有興趣又suppose出得最多的mechanics..........份卷七成出wave同atomic
中七....兩本question我寫左兩題..仲唔知岩唔岩
以為..入左u就即係終生脫離物理呢一科可惜事與願違幾經波折..結果都仲要係讀..
仲要係集物理地理於一身o既astronomy天文學(地理係另一科廿分討我厭o既科目)
好艱難咁將大半past paper入面o既題目都弄明白..
誰知..考o既竟然唔同晒....最過份..我竟然冇print份summary..
咁我o既情況同自己跳入鬥獸場有咩分別?

嘿..一大班engine仔同yr3將會為我的壯烈行為喝采!

Wednesday, March 10, 2004

薑汁撞奶

今日全day都冇離開過屋企半步
只係來回於廚房,廁所,電視同電腦之間(中間仲有一次電話)
因為我要讀天文...哎呀..早知當年我讀地讀讀physics個陣就勤力d唔使家下咁辛苦..
雖然都係讀唔晒要留番聽日待續..不過. . 好過咩都冇做丫嘛

讀書之餘. . heehee我仲整左薑汁撞奶...
雖然只係開粉個只但係都好講技術架 !!
小妹o既頭腦同身手都唔錯架~~~~1take okay...好味 !
我要學叻d煮各樣野食...一定要呀~

Tuesday, March 9, 2004

養精蓄銳

今日眠左個好樂趣o既午覺..養足精神黎博殺丫嘛要
呢牌發覺自己好鍾意吃米...唔知搞咩呢..己經愈來愈大件喇..
唉蛋蛋怪番左去又一day喇
開始覺得自己似古代人..係屋企等佢..不過都好彩佢唔係音訊全無..否則就人都癲
我要努力..將所有精神時間都要放晒落我d學業上..將要諗要煩要搞要苦惱o既野都留番俾d男人搞罷啦
heehee..好啦請大家祝我勁爆physics啦

大師級

無可致異地..我..今日..真係give左一個大師級完全係無懈可擊o既presentation..
嘿嘿..絕對係自信.能力.個人卓越o既表現
連帶我o既groupmate亦被我改造..煥然一新..

我依家對我o既lang好有信心呀突然不枉我背負oral3a之名

Monday, March 1, 2004

蝕底左俾恒生添

哎呀~你間死人恒生我實同你死過架 !!大拿拿呃q左我成三百幾蚊..
年幾前係恒生d職員同我講話如果有野要再交會通知我架嘛~
依家又唔認數 !!! 扣人錢 !!!一個月五十..七個月就三百五喇
唔俾番我我就實唱衰恒生 !!
ps..今日做左好多野.都好充實..goodgood

Thursday, February 19, 2004

充實的一天

成個禮拜冇番學今日返番感覺唔錯..除左冇時間行mega sale之外都okay充實..
應該話忙到爆炸至岩

好~由頭講起
一早..掙扎到七點八終於起身(唔可以再辜負人的一份情意o既)
準時於最后出發時間七點三出門口頂~巴士飛站!!
遲左一班83x = 遲兩班91m + 一班91 = 遲到二十min
難得我肯返一day九點.. 竟然咁對我 !!

nvm.. sosc300h之后 huma232之后 lang201之后終於lunch
趕頭趕命咁睇眼鏡攞con藥水再買野食之后連部fin cal都唔記得攞就扯左去上fina tutorial..
跟本又到痛苦o既huma382之中國古典晢學..
落去phys002..我帶左prs都冇得take attendance就要扯喇仆出kln湯教琴..
受人二分四..辛苦d都要
結果好攰..仲有d想嘔..遞手就返屋企lu..

今日九至八~無訓覺無偷懶..以后都要咁一齊努力!

Wednesday, February 18, 2004

有市場

上個再上個sem,即係上個春sem本小姐係有修mkt格
咁通常我地promote一件product都會有個target market..

今朝我行經威爾斯附近一條路仔迎面有個阿伯
..佢..佢...佢竟然..指住我然后個口發出bob一下的怪聲!!!!
屎喇..我前個牌d小朋友仔以經夠嚇架啦...依家仲黎d阿伯..乜我個市場有咁闊咩??

Friday, January 9, 2004

阿女麻個乖孫

今日阿女麻個乖孫同阿女麻去睇醫生呀.
晨早流流番去吹左陣水跟住倆女麻孫就去飲茶
(蝦腸,鮮竹牛肉,牛肉粥,鯪魚球,雞扎都係$59.5埋單咋)
撘車出伊院好快就睇完(我從來都未試過咁去睇醫生架其實)
阿女麻都尚算咩事都冇唔錯唔錯
去后番左沙田睇花阿女麻買左盤十蚊菊花
我都睇中幾棵草但係冇買,廢事啦,種乜屎乜架我
送佢番屋企拎左d野番自己屋企....煮餸...都唔係太差唧我d手勢都,卡

Wednesday, January 7, 2004

六千蚊的COURSE

成日話我唔識諗SOMEHOW都係真O既但唔係ALWAYS啵
今日我就好鬼苦惱喇我報唔報個個COURSE好呢??
大拿拿六千蚊要期期上架啵~
但係KO左就係我成為金融分析師好重要O既一步
好煩呀..

Saturday, January 3, 2004

第一件較有意義o既事

坦白講,我冇接觸自己o既信仰己經有一段頗長o既時間.
仲記得有好多年o既時間每一晚,沒有禱告神我係眠不了的.
直至唔知幾時,我發覺信仰對自己竟變得可有可無.somehow,係會有d難受.
今日,阿娘帶左佢教會d人番黎查經.
我,開初係被迫o既,係唱詩o既時間,負責幫佢地伴奏.
因為佢地個個都唔識唱o既關係,我又唔忍心聽見各位五音不全,伴奏之餘我仲要做埋領唱.
咁樣反而令我突然同神好似近左或者,我係時候尋找適合的教會喇又.