Sunday, December 29, 2002

花之終極大結局

小花兒終於等到了.
它等了那麼久終於等到了那預期中的悲傷結局.
一早它就知道,只是總不願相信.
現在連最后的虛幻都破滅,一切就再沒有值得留戀的地方.
從前己經碎了的心不會再碎,只是,小花兒枯萎了.
小花兒連枝連葉的枯萎了.
殘渣就赤裸裸的掉在泥土上.
陽光一樣的燦爛,空氣一樣的清新,世界一樣的美好,相信明天又會有另一顆嫰芽..

Saturday, December 28, 2002

蝶戀花 >> 結局二

小花兒實在不明白,就經常問自己>>我做錯了嗎?又惹人生氣了嗎?難道我當真那麼的討人厭?
想著想著,就在獨個兒心傷.有時又會胡思亂想>>是我比不上其他的花朵嗎?
蝴蝶會偷偷的愛著另一個?亂鑽牛角尖到心酸處時,就會索性痛痛快快的哭一場.
蝴蝶其實又好過?才不.飄忽是天生的個性,冰冷只是種錯覺,小說話就是勞累過度的結果.
除了日常的雜務鎖事外,蝴蝶還得花精神担憂小花兒
>>怕它不懂照顧自己,晚上會著涼;怕它受委屈,會唔開心;怕它太為自己,會傷神;
怕它整天亂鑽牛角尖,會做傻事;…
蝴蝶是很緊張小花兒的呢,只是不善詞令的牠總不懂得讓小花兒明白牠的心思罷了.小花兒從不知道蝴蝶經常在晚上,它睡了的時候悄悄來訪..也不知蝴蝶在繁忙中不能見面時的牽腸掛肚..更不知道蝴蝶那從不旁騖的心..蝴蝶郤沒有因此而怪它.
蝴蝶知道它還小,想不到太多的東西,蝴蝶知道這是牠最愛的小花兒..只希望一天小花兒會明白..

Friday, December 27, 2002

蝶戀花 >> 結局一

或許小花兒著實不了解蝴蝶;可能,飄忽,冷淡本來就是蝴蝶的天性.但是,天生熱情的小花兒實在受不了,就病了起來.這個病病得實在不輕,發起來的時候,小花兒還會咯血.鮮血吐在淡綠色的小花瓣上,令花顯得更柔弱,更嬌貴.

蝴蝶呢?牠跟本就沒有理會小花兒的病,或者牠就從來沒發現小花兒病了.小花兒亦從沒有責怪過牠,埋怨過牠,只會向其他嘲笑它的花朵道’牠忙嘛’.
俗世的纏繞太多,各種各樣的誘惑,五花百門的事務令蝴蝶來訪的次數更少,時間更短.即使來,也只是匆匆的把所需的花蜜吸去就飛走.小花兒病得更重了…

有一天,蝴蝶玩得累了,倦了,就想起小花兒來.心裡想著甜美的花蜜,打算去舒展一下疲累的筋骨.可惜,今天蝴蝶不知怎的,怎麼也找不著小花兒.小花兒呢?小花兒在哪兒?蝴蝶一邊暗暗詛咒好夢成空,一邊為著自己的落腳的地方打算著,腦海卻依稀模糊的記得飛來時,在小花兒本來居住的地方的不遠處,看到有數片鮮紅欲滴的花瓣散落在地上.

Thursday, December 26, 2002

蝶戀花

無記錯應該係歐陽修的作品.我不打算在這解說歐陽先生的作品.想講的是另一個故事.

樹林裡中有一朵花.一朵淺綠色很小很小毫不起眼(同草一樣色嘛..怎麼會看得見它呢)花瓣也只得數片的小花兒.小花兒自知平凡,就從沒奢望會得到上天的眷顧,只希望能愉快地走過它短暫的一生.戀愛嘛..小花兒只有試過和附近的小草小蝸牛小青蛙玩票性質的談過,直到有一天..

不知那裡飛來一只蝴蝶,一只不算很出色的蝴蝶.誰知是偶然還是故意的,蝴蝶停在小花兒上來.就在這一剎,小花兒平靜的心湖,悄悄的泛起縺綺.出乎意料之外,蝴蝶竟向小花兒訴說著愛情.小花兒有點受寵若驚,誠惶誠恐的就此跟蝴蝶跑了在一起.從此以后,小花兒就將自己的生命不斷的往這段感情傾注.每一天,小花兒的整副心思就是在掛念心愛的蝴蝶,想想幾時會再會,可以為親愛的蝴蝶干些什麼有用的事兒.而蝴蝶就會不定時的駕臨去吸啜小花兒僅有的點點花蜜.日子一天一天的過,小花兒愈來愈愛蝴蝶,程度開始有點近符不顧后果.但在另一邊廂,蝴蝶的話語比從前變得更少,態度更飄忽,感覺更冰冷…

Sunday, December 15, 2002

怪夢2

午睡時又發左個怪夢..
我坐o係電腦前面.阿妹由我間房行左出去仲好大力咁o彭埋道門.
道門一閂埋,全間房就變到好黑好黑.黑過夜晚,根本乜都睇唔見.
個櫃突然有d野跌左落黎,仲掟中我.
唔知o個d係乜野.一跌左落我度,我就成個人俾d野罩住左.
仲成個人郁都郁唔到我無論點試,點大力,想拎起d手手腳腳,或者郁下個身都唔得.係少少都唔得.
我好驚,想大叫..但係開了口郤冇聲.
冇耐,連透氣都開始有難度..愈來愈慌..唔知點算好..


o係呢個時候,我手提響..我想聽電話..根住就郁得番o勒..雖然個電話有d無聊..但係都好彩..如果唔係我都唔知點算.依家諗番起都仲餘悸猶存..

Thursday, December 12, 2002

一字記之曰 >> 黑

今日好屎黑.黑到爆炸.以下係今日o既黑色流程>>>
(1)罕有地遲左起身(平時點支力都未試過)
(2)阿妹早番..阻住晒.
(3)出左門口先醒起octopus冇錢.
(4)冇散紙
(5)原來連銀紙都冇.
(6)跑去禁錢,點知前面阿嬸o係度慢慢玩轉賬.
(7)去買野唱錢,要排隊.
(8)有車.發現袋中手提唔見左(係跑時跌的.fortunately,俾件衫dull住..)
(9)小巴居然o係呢d時間大排長龍.
(10)耐耐都冇小巴.
(11)清水灣道有交通意外塞車.
(12)遲到考試
(13)好凍,愈坐愈凍.
(14)考完,唔識.
(15)行出去,d風吹到funkfunk聲.
(16)上車,差兩毫子唔夠錢入.
(17)再上車,又唔記得入octopus.結果,廿蚊車費.
(18)......唉,仲...添咪臭係黑,之嘛.唉..........................

Wednesday, December 11, 2002

發左個怪夢

我發左個怪夢.夢境怪不特只..仲好真..真到怪.

如果唔係發發下俾人嘈醒左,我一定唔會知係發夢.呢期都係咁.好多個夢都好真好真.搞到我發完夢就以為真有其事.到后來,見到一d事實証明我先知道自己原來發夢..好白痴..

Friday, December 6, 2002

朋友

你們都說我應該放棄.說我這樣對自己不好.
我都知,除此之外,對你們也不好.
我打了一個比喻.說自己正在製造一件藝術品.得用心很用心的去做.
第一次這樣用心去做.現在只是做了一個初模..
還看不清樣子.但是過程q口'參'手..已給我畫上一個又一個傷口.
對..我受傷了.心疼我的你們都彷彿受傷了.
你們建議我把剛開始做了不太久的作品丟掉.
重新選個容易干又好看好玩的.
談何容易...那可是我的處女作..心血結晶.捨不得...
說到底,也是我的.是我的.
何況,這是藝術,談的不是舒適,不是結果,而是過程是付出是精神.
更甚,現在這已經不是一個小項目了.牽一髮而動全身..
它已緊緊的把我纏住,我是逃不了的.
然而,我也沒打算逃.要是失敗是注定了,就讓我失敗.要是痛苦是必然的,請讓我痛苦.
受一回傷可能會令我重此清醒.
我不會回頭,也不會后悔.
你們不會忘記我的太陽星座月亮星座俱是水瓶座.
而水瓶座最愛的除了是流淚,最會的就是獨斷獨行.
要知道屬風象的水瓶座做事總令人摸不著頭腦.
心裡實在非常感動,因為我有你們.
人生得一知己就已教人死而無憾,
何況我有兩個.
真的,我要我們當一輩子的朋友..由衷的.

Tuesday, December 3, 2002

沙蟹

有人話我蠢..為左一個電話就高興半日.
又或者為左一句說話就唔開心兩晚.

我唔介意佢咁話我.因為佢未試過呢d感受.
就似坐過山車,心情不斷起伏.雖然一步一驚心,但係愈驚就愈要玩落去.
或者愛情就似玩沙蟹.可以輸也可以贏.一路玩就一路要押注.
有陣時對方牌面大d有時你大d咁.心情會好忐忑..
到後來,更有人會揀晒冷,一鋪搏盡.
唔到最后都唔知輸贏.
但只知,如果你中途起身,唔去或者唔跟.咁你就至少輸晒台面o個d..

唔同o既係,呢鋪沙蟹最后有可能會雙輸或者雙贏..
好亂好亂..總之..就算你話我蠢都好..我都會玩落去..不論輸贏.
反正我仲年輕..大把籌碼..

Monday, December 2, 2002

談天

呢期都有同番d朋友仔傾下偈仔咁.
今日同一個好耐冇談天o既女朋友仔談天.
佢同我呻佢男朋友點點點.
佢話>>>之前鬧左佢個男朋友整整45分鐘.
原因係..男朋友有陣時冇打俾佢.
我聽左有d無奈.我同佢講..至少佢都有打丫..
雖然有時唔記得..唔好咁惡鬧佢.
大家一齊..俾我會寧願快樂的時光多d..
盡量唔會製造不快..
如果係唔係太過火..咪由佢囉..每人都有唔同o既practice架嘛..
就算想佢改,都應該溫柔d..等佢舒服d..
呢d說話..其實係唔係真係講俾佢聽架呢.唉,我都唔知..無奈的.