又到年尾

年尾流流～循例都要回顧下今年o既事.
什麼他媽的美伊同沙士都唔講只講我自己

呢一年都有點無奈的繁忙
(別介意我提)黑人ivanjerry峰加兩個我連名都唔想提o既人
自問認真有十分投入亦滿分加埋力水肉緊二錢三斤
點解?唔好問我,我都唔知..

成績嘛..堂叫上多左二百個巴仙若佔總堂數五十個巴仙成績嘛
..唉...唉..又要寄望下年(原來我伯父算得咁準..我諗佢農曆年可以上電視講流年..)

旅行～去左兩次兩次都係泰國(曼谷巴提雅,同布吉)

使大左五六千到provision of bad debt 6000.

近年尾識左個好人至少,我都仍然認為佢係一個好人.

感謝主於這一年的眷顧god bless me always
ps. 今年一個好重大o既啓發我唔會因為任何人or言論而對我屋企less good . NEVER !

12月

今個月第一篇o既日記竟然拖到廿號.
我一直俾自己o既藉口係考試.但係自己化左幾多心機落試,斷估你地都知架啦.
唉,我都係講番發生左咩事啦.
(1)開始考試sosc127,mgto231,lang111,mgto235
(2)趕過期mgto231 paper (我都唔知我寫過d乜)
(3)見到一個避我o既人繼續避我
(4)發左好多個夢
(5)遇上一個(暫時尚算)好人
(6)重演上年的ismt161 (...........!!)
(7)久違了的遊街(見到好多好多青蛙都冇買,但買左只小blythe)
(8)到依家～頭很痛.
又就快耶旦～好一個普天同慶o既日子..講番,又開始有少少興..算啦
我都係諗下今晚對住我阿婆有乜搞作好過.

短跑

今日係我近牌唯一做左運動o既日子係被迫o既
係彩虹邨白雪樓馬路口至83x巴士站一段約五十米o既路段
參賽者>>>我用左數秒時間跑畢全程其間閃過三個人肉障礙
結果
係我離巴士門兩米時間該可惡的巴士,竟絕塵而去!
最最最屎憎你呀83x

十八個菜

(1) 白灼海中蝦
(2) 辣酒煮花螺
(3) 桂花餅
(4) 京都燒排骨
(5) 壃蔥炒蟹
(6) 清蒸海上鮮
(8) 避風塘炒蟶子
(9) 雞
(10)蒸鵝
(11)臘味炒芥蘭
(12)-忘記了-
(13)炒蜆
(14)生腸墨魚
(15)帶子西芹
(16)楊州炒飯
(17)干燒伊麵
(18)咩咩咩湯
紅酒,啤酒,汽水,補酒
蕃薯糖水,紅綠豆糖水,西米露,雪糕

乜我真係好肥咩

其實我都知我肥豬仔架喇～但係～減到一百磅,真係想我屎咩,嗚
你支持下我啦得閒就
今日睇scary movie3唔錯行公園,幾好食雪糕,令人回味坐,好feel撘小巴番屋企,o^.^o
希望會goodgood啦

4人re-u

今日又re-u喇 supposed to benoted that -----> supposed to be
先由bb蕉改打b爐再改出去食七點半liba等～
等空氣～原來一個二個鴿子王～
結果等埋阿thy,九點幾終於假荷里活廣re-u喇我地
大拿拿一行四人我thy dy 同阿俊～兩個組爸兩個組媽組成今勻re-u囉
蕉葉咖哩屋都幾好食百鬆d一位～算係咁
不過下次咁樣re-u可以唔使預我囉

談判

談判己經成為一個習慣甚至開始期待上呢一堂
原因probably係～成日win～呵
今日玩六人對戰係五女一男,五人一鬼,大戰三百個回合之后由我呢個工會代表大獲全勝～卡卡
(又係我,成日都係我,卡卡,大家有咩感受)
我諗無乜特別事斷估都唔會再走呢堂

斗令踭

今日經過一輪激氣之后去左行街
收獲>>>>
(1) 斗令踭一對(卡卡)
(2) 手鏈三條
行行下街先知今晚d人上我屋企打邊爐同阿妹祝生日....
乜我妹唔係最憎打邊爐架咩
=.=

好日子

今日係考161的好日子～唔使問～唔識就梗架啦唔緊要
點知～原來今日都係考pth o既好日子喎吃了屎得12分
仲有～今日更加係222交功課o既好日子十一點做完交左到過左dl先發現交錯destination=.=

限期

每一樣野都有個限期.
一般o既野都冇乜話永遠(last 4ever)
加上,我總喜歡為我身邊o既野加一個限期或者唔應該叫限期,limit會貼切d.
賠本生意更加需要及時斬纜.
對於你我想～己經係仁至義盡罷亦無必要自己再受無謂o既痛苦
捱苦本來就唔係我係強項
i deserve better ---------- 大家都知.
俾你o既有效日期去到幾時我唔知
希望係今天
好讓我明天有個好的新開始

DREAM MAN

好黑仔的又係番到學校先知唔使上lang.
太得閒,無野,結果,陪阿thy去上tutorial.

個tutor高,靚仔,后生,斯文有禮又不失幽默感有車有學識有前途好一個dream man～
不是嗎?平時,我連上自己堂都好少咁專心.
呢堂唔關我事,反而就有心機上囉.
如果佢係我o既都唔錯丫,可惜,呢d筍盤通常一早俾人mark左架啦.

dream man??其實係咪一定係咁呢.
我諗唔係o既呢d只係一個冇人愛又冇對象o既女仔(好似我)o既dream man唧.
如果你心目中己經有一個o既話無論佢質素如何,dream man個位佢都係坐硬架.
我呢??我o既dream man呢～算罷啦我諗我都係專心少少讀書好d

之后o既堂我諗我都會去sit學多d野都冇壞o既

只是朋友 !

今天～又發現好多個只是朋友 !
我跟他,從來都只是朋友一個普通朋友都不如的朋友 !
我們變回朋友不再是從前極級的朋友仔
缺少了那麼的一點點不知在那兒失落了的一點點
monkey～同以前差唔多(可能我地實在太白痴)
被迫當我半day男朋友仔
比誰都好至少係個半day
無猜疑無唔信任無唔開心
嘩哈哈～好的開始完美的結束
記得我地只是朋友!
唉,令我諗起個班乞兒!

為什麼要哭

當人受到感情創傷時,都愛哭～點解呢?
因為感情創傷係一種內傷當傷得嚴重,或累積受傷的話內出血就會發生
d血係身體入面谷住谷住會令成個人好辛苦～
食唔安坐唔落做咩都用唔到
結果,會拖累整個生活

而哭就係一種令好過d o既做法(留意,唔係療法)
哭其實就係用一把利刀將皮肉剖開讓血可以淌出來感覺～
會有一絲舒懷就似將崩緊的橡皮放鬆了一點點似的
雖然治標唔治本
但可以哭總比不能哭好

找不到童話

愈是想得到,愈是得唔到,或許,這就是天意～
轟烈的劇情我不要,絢麗的畫面亦犯不著,其實只要平平淡淡,穩穩陣陣的就夠
每個女孩都愛當上童話故事的女主角我又何嘗唔係呢
ｈａｐｐｙ　ｅｖｅｒ　ｌａｓｔｉｎｇ係我人生終極理想
可惜～白雪公主ｃｉｎｄｅｒａｌｌａｓｌｅｅｐｉｎｇ　ｂｅａｕｔｙ輪不到我
在火機年代郤要我賣火柴
要沒有尾巴的我扮人魚為人犧牲
唔通～我就係咁loop屎左
夠喇,有人可以帶無力離開的我走嗎?
現在,還沒有這個人罷～

但請記得哀莫大於心死
總會有一天,遍體磷傷軟弱無力的我一樣會撐起來拼死闖出去!

出街喇

十一點幾,屎屎燕提一提我先知～係喎,今日出街喇段野
等～等～等～愈等愈緊張添～個心仲卜卜跳耶 !
梗係啦,一陣好可能俾人係大氣中同全世界話我醜喎-----------唔驚就假
到喇～嘩，段訪問cut左好多,真係cut得好緊要
不過nvm都仲叫見得人,雖然我把聲真係沙d
頂你個肺丫～八比二話我醜 !!
識琴唔可以靚架咩～
我都冇話自己靚,我話靚過個條友之嘛～
把聲～好差咩乜真係?!

算～聽番pat pat leo講
靚呀 !
以后大家記住多d捧leo場呀～heehee

ON AIR

今日我如常咁係范信達道教完琴之后跟住就反常咁行左去廣播道三號
我約左leo做錄音訪問
我早到左～等左一陣,佢就落黎接我同車立仲有兩個女人(唔使問,實係所謂o既專業評審團)
之后,就屎左入去錄音室做左個無聊爆o既訪問(想聽問我啦,heehee)
可能係我份人太多野講又唔怕屎～
dem cheers呀～即場negotiate呀～乜都好投入一齊講爆多無聊野
(披露自己o既資料太多,好驚俾人認出)

一個鐘唔使就扯得我問佢會評我做乜～佢諗左一諗 ---- > 醜 !
激屎我 !(唔使咁直接化)

做生意咁o既態度邊得架

去左麗都火煱海鮮酒家晚飯.
有九條友,叫左好多野食@1830
第一樣送上黎 --------- 乳鴿 @2000
唔係呀化～個半鐘又催又請,先得只乳鴿 ?!

之后o既情況一直係咁
= 0 貼士 + 永不再黎 + 唱衰你

松任谷由實

我今日係一個機緣巧合o既情況之下跑左去睇松任谷由實演唱會
好明顯我係唔識佢架～
只知佢係一個日本女人去到先知原來係日本殿堂級人馬黎架 超多日本妹去睇
雖然佢d歌我一首都未聽過
不過成個concert都好有心思
松住谷由實亦非常專業 氣份不錯
而有d馬戲 okay喎

____________________________________

十二點幾番屋企中途等車撞到兩條八婆激屎左我
一路等車一路啤住我,仲要俾我聽到佢話我咁肥仲要著短裙
我心諗,唔得架咩,我著乜關你叉事
上到車都仲係咁
落車我臨上l6條八婆竟然凸
結果當然係凸<(-__-)>凸啦
咪俾我再見到佢地.

我屋企係養肥人架2

今日菜單 (四人份)
(1) 無鍚骨
(2) 芝士焗中蝦
(3) 饅頭
(4) 三文魚刺身
(5) 印度烤餅
(6) 帶子珊瑚蚌炒西蘭花
(7) 芝麻糊
(8) 小籠包
(9) 仲有又係唔記得,哈哈
.....唉,再係咁落去..真係變豬

我屋企係養肥人架

今日菜單 (四人份)
(1) 薑蔥炒蟹
(2) 凍蟹
(3) 椒鹽瀨尿蝦
(4) 象拔蚌炒西蘭花
(5) 乳鴿
(6) 上湯蜆菜
(7) 泰式拼盤
(8) 唔知乜乜炒鴕鳥肉
(9) 仲有一碟唔記得乜
泰式飲品x4杯 啤酒x1枝 紅酒x1枝
想唔肥都幾難

再camp完

今日士氣不錯呀我地如果頭兩日都有咁樣就唔錯喇真係
雖然 civl 都係輸俾mech但可以見到我地有o既係品呀
五點度返到屋企眠lu要

再camp2

勁呀～成年都冇咁做過運動喇嘩哈哈～
係咁跑cher住跑跑呀跑我諗我仲玩得樂趣過d組仔呀

i like camp fire !
是晚部份人夜左d但大部份人仲係...唔緊要啦大家都攰喇

再camp1

本來十一點返briefing既然阿thy姐打黎話起唔到身咪算囉～改為一點
我班組仔okay靜呀唔緊要我會致力搞起佢o既～
今晚滿記～位位五十我咁窮都仲黎..唉
六點鬆就訓喇我,係咪早左d呢但大陪份其他人仲早寄望聽晚

又camp完

點都搞到十二點先走～咪蝕俾佢丫嘛
返到沙田梗係朝一朝聖啦跟住lunch囉之后再睇埋頭號特務對親家先返屋企
番到屋企又唔係好攰喎結果都要半夜先瞓

又camp2

一如估計梗係我最早起身啦八點鬆
食下杯面咁結果都要磨到十二點先出門口丫～原來大嶼山d車費好那貴架度度都廿幾蚊位結果---巴士--東涌-----的士-----------大佛
梗係食豆花啦
跟住-----------的士----------梅窩
小貓事件---吃飯
巴士---------東涌-------入貨----巴士----機場
丫～融囉d車費
(皆因對泰國波無興趣,一早就訓左)

(記憶@14mar2009: 小貓事件發生係沙灘.一只很小很弱的貓被兩只大狗欺負至死亡! 我也怕d狗唔敢埋去...而狗主人竟然視而不見!!!! 令人十分憤怒!!! )

又入camp1

我己經遲收工叫遲原來一個二個仲遲你班百佳真係丫
好喇～o係譚子諾(真係好耐冇見過佢^3^)陪完我買野夾等車之后就真係踏上大嶼山之旅喇到表哥上埋車,我諗都五點幾六點lu
去到富豪 七點鬆頂佢個肺 冇房---------直至八點
上實上到房又有乜do丫先等到屎欣 吃左少野再等屎文
之后番房玩左陣4點度就眠左lu

臨別秋call

我今日又再係冇乜call好明顯一返去以經係等收爐個只正當我仲有半粒鐘唔夠就收工個陣黎左個臨別秋call---------------成為我今次o既絕call呀
條友乜都問又乜都唔知乜都想讀但一定要讀天主教學校聲稱天主教學校好全港十a九a db 皇仁全部天主教佢屋企全家(除左佢)隔離隣舍上下左右全部天主教.............好無奈\(真係同佢講天主教佢又話唔鍾意,又死都話聖公會係天主教喎)
問黎問去 講黎講去都係個三句
愈講我愈燥火因為一搞就去左我成粒鐘仲要係毫無建樹個只
后來俾左社工又搞到大半個鐘去到收工我都唔知遲左幾多lu
...............肯定係mental架

黃鳳翎一天～筍呀

大睇冇咩特別～除左一件樹之外
有個男仔,個樣好頹,好似三十日冇訓毫無表情咁o既.我去左陪佢填表留佢傾偈開初佢都好少應我好少出聲
但我都知佢係因為repeat又俾幾間其他學校歧視又覺得自己成績唔好對自己同對d學校都冇晒信心個陣己經兩點鬆,佢仲未交ive又唔知間學校收唔收佢因為間學生in左唔少后過佢o既學生都唔in佢喎佢就一路係個waiting roon度等
我同佢傾左好多野又discuss左一d interview技巧俾番d信心佢啦盡量
后來佢被in完又in,in完再in之后,終於收左佢佢落黎個陣,自己識笑呀～搞到我仲開心過佢.
其實佢真係好勤力因為佢有學校收左,仲要即刻出尖沙咀考電腦試佢自己報左中大d course佢上年讀七科,11分,今年都係讀個七科,不過科科都升一個grade,12分我覺得佢o既努力獲得回報好好feel
哈哈～佢仲同我呃手多謝我,同問我搵contact呀～卡卡卡

hotline第三天

今日開始黎料喇
d人開始知驚喇
f.6又冇repeat又冇.............
唉,但係咁又點呀我都覺得自己唔係好幫得到手
我諗如果我一早識個d人
我個下又在場o既話會好好多囉
點解大家唔早d打算呢生活係自己架嘛
就算坐定粒六都要 hope for the best prepare for the worst 先得架

hotline第二天

叫做好少少啦
我就聽親差唔多都係爸爸媽媽d電話
可能都係擔心o既多 唔知點算咁啦
咁其實我都希望大家都知道自己做緊乜
咪唔使問囉
雖則我悶

開工喇輔導

今日係我第一日開工聽hotline
本來就滿懷壯志咁以為可以幫好多好多人
點知得兩個電話咋
悶屎我喇希望好d啦聽日

再見葉局長

今晚有兩段新聞打斷左我睇緊o既電視分別係保安局局長葉劉淑儀同財爺請辭.
梁錦松個邊我無乜興趣喇好obvious係條友俾老廉查緊又自知身有屎先辭左佢 免尷尬
但對於葉局長個邉,真係覺得好可惜.
除郤被駕空的曾生佢係董生班子內最好的一位硬淨 坦白 理直氣壯 唔打官腔清析 有志 克盡本份 抱緊宗旨從任何角度睇佢都係繼陳方安生之后最值得留低o既人
只可惜因為董生o既無能因為佢自己在其位 施其職的盡心佢要做盡醜人 成為箭靶 眾矢之的
更可惜因為佢o既率直因為佢o既不妥協佢成為左撈選票的工具無能之士的代罪羔羊
或者作為單親媽媽o既佢離開才是一個好決定至少會和女兒過得好一點反正 錢怎樣都不會是缺的
只是哪裡才找得這樣一個有承擔 勇往直前而願意站出來的好人 !

CAMP 下

食野總不離吹水架啦.講下講下無聊野就變左講自己野.
自己野講講下就自不然變屋企野.
聽完阿ERIC講個段,有D野,叫唔叫痛呢～我唔知..
跟住我又講番我D野出黎,雖則我係OKAY唔慣同咁多人講自己野啦,平時,跟本唔會同人講起,家醜不出外傳嘛.同我之前諗起一樣,我D野跟本唔係D咩大件事,父母健在,正當職業,顧家,唔煙唔酒唔講粗口,嫖賭飲蕩吹,乜都唔岩,無不良嗜好.我由細到大,三餐一宿,甚為飽足.從每一個角度睇都係一個幸福家庭.點解會痛?痛咩?或者我實在唔應該再怨.(我真係燥架,不過我係燥我自己)
好多謝大家都為我化左咁多口水.無以為報.但,我諗,總係有D野,OKAY唔到,就係差個一DD野掛.

后來,鋤DEE-------->輸頭嬴尾.梗係啦,我呢D玩長途架嘛.
COM綿胎--------->由頭嬴到落腳.梗係啦,我呢D實力型黎架嘛.
個個GAME ------->少可惜,衰左一次.HEEHEE..一次咁少,梗係啦,講反應架嘛.
之后,人都要跑去眠了.只有我同ERIC給剩了下來.聊了一晚,很高興,能交上一個讓我找回一些感覺的朋友仔.你講過o既野我記得,唔好呃我..我好憎人呃我.
* * *
吃過早飯,又來啦.ROLE PLAY幾好丫.起碼都叫有返D半實戰經驗嘛.
再吃飯,無耐,就要跑LU.

CAMP 上

呢個營係我D暑假CAMPo既頭炮.基本上,星期六入CAMP,我星期五先知道 (岩岩之前個堂冇番,又冇諗住咁快嘛),真係OKAY突然囉.
o係海柏搭左幾粒燒賣,咬住粒珍寶糖,咁就行過烏溪沙入CAMP喇.
其實都唔敢有咩太大期望,都係諗住,上LECTURE上LECTURE同上LECTURE,CHER住上LECTURE咁.雖則我係心癢癢咁想玩D什麼的玩味重Do既野,但係實際歸實際,想個D都係得個想字架喇.
黎料喇黎料喇～其實都唔係咁悶唧,都好彩,LECTURE只係小部份.但係同班人都仲係OKAY唔熟,少怪怪的咁.
十點幾,洗完涼,就同D人吹下水.好耐都冇咁同人吹法喇,入左U以來咁耐,邊有話同人傾D教育制度o既野架話.
之后,FRANCIS攞左D旅行手信出黎請我地食.咁就一DAY喇.

史記

近代史 --------------> 建華之亂
建華六年
因 政策混亂 奸臣當道皇上 用人不當 治國無方導致 政局不? 人心惶惶加上 連年天災人禍使 民不聊生 天怒人怨
后 由多個民間組織聯合起百萬國民嘗試 推倒政權 廢取君主專權帝制 是次革命尚未成功 同志仍需努力卻 己令朝廷大為震驚 不知所措
史稱 '七一大遊行'

MAJOR

食緊飯,人打黎提一提,先記得今日於MAJOR.再打去搵人同我CHECK,
冇,我冇MAJOR.

+

媽媽的生日
好理所當然--------------->自助餐.
人物----> 一家+ 細孖舅父 + 表姐 + 阿E
特別事項----->阿爹無故黑口黑面(都慣喇)

今日重點 : 打枱波

今日因為阿妹考數前夕關係我迫不得意迫於無奈咁閃左出去
先去xx樂園去聯賽同杯賽.好明顯係細場關係..輸晒..唉不次玩大場--->肯定會有唔同結果.
之后當然要去隔離朝聖啦不得不提,我又俾人check頂佢個肺,入馬會check都話順d check十八丫嘛朝聖拜神都check就過火d我都唔係似d未夠秤o既妹妹仔掛
算!
之前上左沙龍.學生價23勁抵玩哈..首次落場3度唔使包尾..heehee
再入沙龍篤篤機都係一蚊咋下次我實煲爛先過雞竇簽名呀

平生未做過咁多野

做左一天裝修雜工~累極.
首先,晨早起身八點半屎出沙田跟手入黃埔食早飯.
之后就開工其實做野我都okay架,但係最大個問題係--------------->勞動 + 無冷氣 = 超辛苦
唉..好彩冇耐又係能廚時間可以歇一歇.
又繼續做..之后收到個噩耗我地居然搬番晒d架生入火炭
天呀~做古里咩

單車郊遊記

新歌試唱
(好攰呀~到終點未呀) 就在前邊不遠處
(踩左咁耐好辛苦呀) (我都係) 我個屎忽好鬼痛
(睇下風景分散下好d架) 見只小蜜蜂嗡嗡
(好似我地咁) 係咁周圍貢

唱三人k

中午時份,一行三人跑左去家樂green box唱k.
轉眼間,就由點幾唱到六點幾,跟住表哥放工黎左,屎文出左去(三人)
七點幾,屎文拿番張會員咭入黎,屎yin出去(三人)
結果埋單,三人k每人盛惠六十四.hee,超抵.
(之后去左吉野同朝聖)

壞消息 - 非典?

表姐..入左醫院,肺炎,但唔知係咪非典.
唉.

續釣魚

五點拎起身,六釣入到烏溪沙釣魚.
今日好樂趣咁,一dum落去就有,一dum落去就有,直到晏晝
(中間其實有段時間因無蟲而走左去飲茶)
之后就打牌同鋤dee,最美中不足就係無去打機.
不過下年我一定要游龍舟水先得.

釣魚

無魚釣..得兩條咋.
唔緊要,我會再接再勵

check溫書

今日,再一次,有個朋友仔打電話黎check我係咪溫緊書.(上一次係sms)
好過火地,上次我玩緊,今次我岩岩睇完電視.雖然係咁,我好多謝佢.
冇諗過邊度會屎出個咁有我心o既人,仲要估中我做緊乜o既人.
哈哈..兩次都俾佢check到.
好耐都冇試過呢種感受.
居然真係有人不在我玩attention seeking時無屎啦更會咁到位地打理我.
謝你呀~thy

無親節

堂堂母親節咁盛大o既日子..居然演變成無親節.
唔單止係我同阿妹係咁..就連另外一個妹都係咁..
結果我地一行幾人就上演左一齣<<苦海孤x>>喇.
呢晚..大家都吃唔飽(表哥..我一早知你唔飽..但..佢係咁架喇)
就pie薯仔pie飽左囉.

1. 瓏
2003/5/14 20:29
我o個日手指麻痺返屋企o個陣頭暈頭痛仲覺得透氣唔順....我以為自己非典.....幾驚呀....

阿爹的阿娘

大家總係會揀星期六跟阿女麻一起吃飯.
今次係o係佐敦岩岩開番o既幸福樓延開兩大席.
講講今晚o既餸先(盡記喇我)
(1)龍蝦刺身
(2)乳豬全體
(3)燒雞一只
(4)陳皮蒸鮑魚
(5)鮮尤通菜
(6)炆水魚
(7)醬燒骨
(8)清蒸大東星
(9)上湯焗龍蝦(伊底)
(10)泰式肉碎炒豆
(11)冬瓜盅
(12)果盤

d龍蝦刺身..無味o既..寧願食象拔蚌啦.就係咁食左六千幾蚊lu.

跟母親慶祝

因為總要同其他母親慶祝的關係好似從來都冇同自己的母親好好慶祝過為左咁,我決定今年提早同母親慶祝.
慶祝方法係>>>大駕光臨同佢食餐飯(唔好噓我)
去左尖沙咀九記(百利)海鮮酒家食一個任點任食o既晚餐有我有阿娘同阿妹(阿爹聲稱只為母親所以唔去喎)
有翅有燕窩(其實我可以揀鮑魚架)仲食左好多好多其他野
唔錯唔錯

美中不足>>
(1)同阿妹發生激烈爭吵
(2)行經隔離見到九十五蚊佛跳牆

經典o既晚餐

今天..吃左一餐偡稱經典o既晚餐.

時間>>>1830-2030
地點>>>香港新界沙田禾輋邨大排檔3-5號陳根記
人物>>>我,阿爹,阿娘,阿妹,阿女麻

星期天,好合情理地,我地又跑去同阿女麻dine.天色都尚佳,我地揀左個開揚o既位置坐低.冇耐..好似有幾滴雨..怯..即刻閃入入面.
后來,轟轟轟,突然間,d雨把把聲咁落.見到出面d人dup到成只野咁..我地以為自己好那醒.點知..我地個個位滴水..為左d餸..阿爹一路擔遮一路食.其實咁都唔緊要..
但係未止..睇一睇..水浸!!..水深達兩寸!!

簡單d黎講..呢餐就係>>宛在水中央.

遊戲終結

雖然來得有點突然,但是又未算完全有預料.
或許係兩個月o既宿命係度作怪,但都只可以講句---->別了

你的遊戲昨日己由你自己來終結了.今天再開始的係由我主導的遊戲.規則,玩法從此都變了.
ur time had gone.
ur game is over.

又睇戲..不過今次舉家

冇乜試過舉家(通常阿爹唔去架or剩係同阿娘去)
去睇戲.今次就去左睇特務憨J..見到阿爹都睇到笑.我都幾開心.

之后食完pizza hut返屋企,就瞓瞓瞓瞓瞓到六點幾喇我.

埋洲

好罕有地,毫無掙扎下,我七點就起左身.因為今日係燒野食O既大日子呀.同第個燒都無咁興奮,今日係同屋企人燒呀..成兩年冇喇都.
八點係沙田等表哥,約左屎文係大學八號半卡,八點半到太和百佳.
但係原來表哥同姑媽一齊,姑媽又約左阿女麻同姑姐..所以八點半我地都仲係沙田.
到左太和之后就開始搬野喇好幾十人O既糧草就由凸種暴隊負運.搬上搬落都咪話唔辛苦..仲整損左只手添.

不得不提今次有咩燒>>完完整整米鴨一隻,大大條O既大眼雞三條,蜆,青口,雞中翼,雞全翼,豬頸肉,椰菜,蜜豆,粟米,蝦,不知名O既菇,芝士腸,紅腸,波etc.冰凍o既西瓜啤酒汽水涼茶果汁梗係唔少得啦最美中不足呢就係少左冬菇磨菇多春魚同鱔呀.不過唔緊要..有雪糕撘夠啦.

之后,唔知算唔算得閒得滯,我同班小朋友玩埋洲..超超超好好好玩.入左中學之后..我都未玩過喇.heehee..又變番細路添.
如果..間唔中都有得咁玩下就好喇一定要同屋企人..因為唔見得有咩朋友仔肯玩呢d低b野架喇.

假期都要番學

今日係GOOD FRIDAY..
但係都要番學.好神奇地,我阿妹居然陪我番喎.
咁我就番去上左十五分鐘MKT交低D野.就去陪阿妹喇.
為左報答佢我請佢睇DREAMCATCHER.
之后兩條友得閒得滯就跑左上新田圍打搞下姑媽喇.

自己

很久沒有嘗過很想得到一樣野o既滋味.
有一點似回到十五,六歲的感覺.那種做不緊,抓不住的..好令人忐忑.
其實,干的東西都沒有什麼不同,還不是聊聊天,打打枱波的.感受今天卻大不同.
或者,我實在混亂了.混亂中,變得敏感.可是,為何敏感了?為誰敏感了?而又該我敏感了嗎?
應該好好放鬆一點.
因為我並不是誰,我只是我自己而己.

沙廣新GREEN BOX

今日收到morning call o既時候己經差唔多七點九.
趕唔切上第一堂.咁就斯斯然去上第二堂.
佢黎左接我放學.玩完呢個科大一圈遊之后.佢同左我去green box唱k.
可能佢真係太攰太攰.佢有d力不從心,唔係太唱到.
結果大部份時間都係我係度唱.一首接一首.
雖然,我勁好唱歌.但係,最唔捨得,最令人難忘o既係,坐在他懷裡的時間.
我敢講,個陣,要時佢同我講任何野,我都會應承.
還有什麼障礙..還能夠有什麼障礙?答案只可以係一個..除非所有o既野都只不過係一個騙局.
算了,都是別想了,反正,半點不由人.

沙廣新GREEN BOX

今日收到morning call o既時候己經差唔多七點九.
趕唔切上第一堂.咁就斯斯然去上第二堂.
佢黎左接我放學.玩完呢個科大一圈遊之后.佢同左我去green box唱k.
可能佢真係太攰太攰.佢有d力不從心,唔係太唱到.
結果大部份時間都係我係度唱.一首接一首.
雖然,我勁好唱歌.但係,最唔捨得,最令人難忘o既係,坐在他懷裡的時間.
我敢講,個陣,要時佢同我講任何野,我都會應承.
還有什麼障礙..還能夠有什麼障礙?答案只可以係一個..除非所有o既野都只不過係一個騙局.
算了,都是別想了,反正,半點不由人.

慈雲山之行

話咁快就一年喇.重遊舊地去拜爺爺.
每一次諗起爺爺就難免一陣傷感.
記得從前,佢點樣接我送我.
記得從前,佢點樣為我買芒果買雪糕.
記得從前,佢總以為我愛吃mcdonalds....記得好多野.
記得,我要佢等我成粒鐘.
記得,我係唯一一個冇去睇佢.
記得,我連燒野俾佢都做唔到....都記得.

8310

今日,好悲痛地向大家宣佈>>>>我唔見左我個部跟左我大半年o既黑色8310.
好苦.好痛.
要面對o既始終要面對.
結果..8310(紅色)番左黎.但係要找條兩千塊o既數.
ann+小睡>>謝你陪我傻.
屎文>>謝你仗義.
阿文>>謝陪玩謝陪聊天謝安慰謝安我心.
總之,謝.

愚人節

今日被人愚弄左添.晏晝係惠康度買野個陣..
'獲悉'香港將會被列為疫埠.我仲打番屋企話俾阿妹聽叫佢叫lili買食送添.
真慘..被昆了添.
跟住..條氣有d唔順.就作左d無聊o既icq msg send出去喇.
條氣順晒

呢個世界d野就係咁架喇

當你不能做一件事時,往往就有好多機會做個件事.
到你做得個陣,機會都跑了.
今日,點解會咁多人叫我去玩架.

好cheap呀

今日同阿妹番阿女麻度個陣,咁岩就撞到大袋喎.
超cheap呀..條友扮見唔到我喎.
咁岩我又食緊野喎,就唔可以叫佢..咁我一吞左就打俾佢喇.
條友扮傻呀 !仲問我打幾多號電話添呀..實在太好笑..我就打俾人..通知大家有件咁o既事喇.
哈哈哈.

玩樂

睇左五星級戀人喇(其實諗住睇第套,但係時間唔岩)
我地包場呀~~幾威呀.但係..
唔知幾時先輪到我搵到個五星級戀人俾個五星級的家的呢?
出左銅鑼灣.去左金百利.買左兩件衫.使左三百蚊.
番屋企..阿娘問我聽日幾點番,話好多晚冇乜見過我.我都覺得自己呢牌一來又忙,又掛住玩樂.
等我聽日早d番屋企先.

廟街之行

從前經過親廟街都係日光日白架.但係今日..我第一次係廟街食野呀.
食煲仔飯,瀨尿蝦,同蠔餅.
哈哈哈..好好笑..原來有人唔識將瀨尿蝦起肉個喎.
我咁善良,就梗係會好細心咁教佢啦

溫書

為左延續極速神話,12點幾就諗住開工了.
正當我打破宿命,幾經辛苦ko o個條我己經讀左好幾日o既第一題進入第二題時,三座留我鋤dee..
我好有警覺性咁同佢講我朝早要考試結果三點幾..我終於醒覺.
仲要係icq度吹左陣水,四點終於體力不支>>>>目訓左.
七點,係成千個電話湧至o既情況之下(多謝晒個d我冇叫都自己打黎o既人)掙扎起身番去考試.
嘿嘿嘿..我講o既,大家記住,冇九十分..乜都得.
(為左celebrate..梗係去左玩啦.潦劍之餘,仲整壞左部拍拍機添呀..呵呵)

480條MC

今日照常咁上唔到10點o既161跟本又例牌咁瞓左個mkt.
但係之后..就有d唔係好尋常o既野發生喇.
mkt我個組入面.
論年紀>>>我最細.
論notes>>>我最少.
論attendance>>>我最低.
論睡眠時間>>>我最長.
論成績>>>我最差.
點睇都唔應該由我黎hold個會架~但係..世事往往就係咁架喇.while佢地原來知得比我更少,比我更加唔知做緊乜,比我更加唔專心o既時候,咁做野呢d雜務..你話捨我其誰丫.
好辛苦咁熬到三點先完晏就去搵阿保羅..你呀~俾d心機練啦.
跟住,有d出乎意料,我竟然番ebs喎.都好o既,我都好耐冇番過啦~
之后,就兩口氣干了我平生最多的MC>>>>480條了.

活得比我好

我呢份人好屎傳統,腦裡面保留左唔少中國o既傳統思想.
我一向都唔會憎人富貴,厭人窮架.反而會,望人富貴,勿願人敝矮.
如果你要活得比我快樂的話,我會全心祝福你.
唔會妒忌,因為我都會過得好好,好開心.你可以比我更好,更開心,係你好大o既福氣黎.要好好珍惜.
希望全世界都活得比我好.(咁樣就天下太平lu)

手都軟埋呀

今日突然興致又勃勃咁好屎屎想睇戲喎.
咁我就打俾d諗無佢實得閒o既朋友仔啦.點知條友居然話要同朋友仔行街喎~過火的!
(如果佢話要陪條女o既話我會冇咁燥架)
正常我在躊躇係咪要屎屎地氣早d番屋企o既時候,哈哈...三座jerry竟然自動請纓話陪我睇喎..哈哈..住得近d係唔同d o既.(諗諗下..其實無關.佢都係就腳唧.反正佢日日都會係附近打機架啦)
因為平時佢係會同dragon一齊打機..所以dragon都一齊睇戲.我五點鬆入到機地.三座jerry斬緊鬼.我就monk左dragon陪我渣車.呵呵..唔知係咪dragon讓我呢??我快過佢呀..我iq高courage高,佢就..哈哈.
無耐,我地就過左隔離睇夜魔俠..一般啦,不過不失咁..有d住誇d咁囉.
之后,又打機..唔同o既係..我都開始玩潦劍.因為我唔識玩,又要玩之故,累三座jerry首回合死左一鋪,次回合冇左大半條命.
去明將食野..我倒瀉野.一人六十蚊落樓..少昂..不過高興.
又打機.今次我潦劍技術進步左唔少.都話晒叫打過大佬架~因為我屎,係咁亂潦..所以超攰.哈哈..但第一次喎,算係咁架喇.
番到屋企,我連拎碗湯都拎唔起呀只手..攰得我丫.三座jerry唔使驚,哈哈..以后我會成日搵你玩架喇~
ps>>大家去開機地..見到部潦劍機..就睇下我今日留低個幾個簽名仲係唔係度啦.

婦女節

三八婦女節又係一個陪媽媽的好日子.
今日行程>>>綠田園----手工藝流浮山----午飯元朗公園----百鳥居恒香----老餅家吃老婆餅
咁就一日喇

平生首堂102lab

尋日收到阿ken個email,佢話喎,今日個lab將會係一個神奇lab,叫我地務必出席.搞到要ta矮我地上堂,真過火.但係佢既然講到咁神奇,我又從未番過喎(都好應該番下喇係時候)咁我就詢眾要求,大駕光臨,番就番係啦.
去到,人丁多麼的頂盛.哦~原來今日請左個客席tutor黎講networking.佢就教左幾隻command,hubs呀,switches呀,router呀,類似d咁o既野.佢帶埋d玩具上去,雖然我冇玩,但都覺得應該會okay好玩.而呢個ta教得亦相當生動有趣,令我都唔係太有空同阿thy icq.
但以上的東西其實都不重要.(即係未入正題,呵呵)重要係個ta本身.佢唔靚仔,應該話一般過一般,同靚仔同好樣,定同okay都一d關係都冇.只係,佢令我諗起一個人.呢個ta同個個人係同一種style黎架,當然個個人個樣就梗係好好多啦.一樣咁屎屎瘦又差唔多高度...頭髮一樣係少長咁...一樣係著運動外套牛仔褲(雖然一個adid,另一個puma多)...講野都係好快好快斷得好怪好怪又會有d字唔見左咁...呢堂我上得好專心.或者我真係會揀is...
唉,早知thur就應承同佢去睇夜魔俠啦..后悔添.

今個sem首堂111tutorial

無野做決定去上下堂111tutorial.
遲左15分鍾去..shit..得個十條友原來.坐低..
一路聽個ta自說自話.
佢都叫好pro..全程不斷有人出出入入咁,但係都無打斷佢聲細如蚊o既夢囈.
反而打斷左我條魚絲,仲等我俾d口水續親添.
跟住我係度係咁咳---少唔好意思睇下個鐘,原來我都坐夠15分鐘喇

走lu.

從前的舊友

自從我識左佢,我每一年都記得呢日係佢生日.我唔敢話佢係我o既朋友仔,我只能夠講佢一度係我最重視o既朋友.係佢,令我開始認同朋友仔的重要性.都係佢,令我見到人與人之間o既關係o既脆弱.我對佢確實有唔少不滿..但或者一切都係我o既責任.我都唔知.到依家,好多時我都會掛念從前..由衷的.想起從前卻又令我痛苦.我都應該多謝佢,佢令我更懂得珍惜我所有的朋友仔..珍惜所有我之后認識到的..我從此對朋友仔變得好treasure..
可能的話..我會為她送一份生日禮物.

oiar grmbc mrsqf

O ohvf rsp owjr iftwt hqmqj, hqi nonhe hbbuu hbu su vnd ovio fh km vnd nini gi PRAY bmr gi bucnh BIBLE rtm. dup ph tmmc jwjc ohvf kb anvit dher, oam ohvf hqi janl kb 2 yjksj egi.kklb ybhg ybbr nini m llhhj omwa vnd nini la.
(wk iknf hqi ohvf SBM lab..nk rmmr yryia ddmmf hdw owjr j yk jjomn oh egi uu hhoe..hshml vio qmn mrsqf. mf omlk ino yphen, trok yrqmb mhaf yryrf.)

一個月

不久之前,我開始畫一幅畫.我開始構思呢幅畫o個陣..身邊o既人就開始好贊同我o既構思.到我一路畫o既時候,d人都不斷給予支持同鼓勵..仲有不少讚賞添.當我自己不斷去畫呢幅畫同時又不斷去睇呢幅畫o既時候..我都覺得自己畫得好好..好靚..同我想像中要創造的好近..我個陣認為自己終於創造出心裡面對藝術的追求了.
當自己陶醉在那所謂的美時..事情逐漸逐漸起了變化.我見到自己的一對手..被顏料侵蝕,開始脫皮,開始感到疼痛.更甚,我見到我的傑作並非完全的美麗 ! 焦點落在畫面的任何角落時,都很好.只是..張畫放遠一點看..不再聚焦在某一個角落時..卻再看不見美好的景象了.
弄藝術的若搞得不合乎心意..就要放棄.當一切不再美麗,就再沒有值得留戀的地方.思前想后,痛定思痛,我將畫打碎了...碎片散了一地. 將心機都打碎,我就無力再收拾殘局,任尖銳的碎片自顧自的賴在地上.只望..沒有人的指頭會被割破.
^^^^^^^^^^^^^^^^^^^^^^^^^^^^
一如過去..又胡亂的購買牛仔褲..胡亂的吃東西..胡亂的在icq瞎聊..

de saint valentine

今日過得倒平淡..還不又是吃飯拉屎的.
或者你己忘記,但我沒有,我不能.okay烙印..一直以來,除左父皇同母后..無乜人會咁同我講野..亦無乜人試過咁樣同我講野..我真係okay愕然.我好有一種被blame的感覺.並且亦okay覺得無辜同無奈.好多好多說話去到咀邊結果都係冇講..我怕會傷害到人..我更怕會傷害到自己.我怕自己會親手將整幅圖畫毀滅...如果我錯了..我只是認錯了..就可以當什麼都沒有發生過就倒好.可以嗎?真是太傻.但把說話都吞回肚子的感受一點也不好.那種不被體諒,那種不被了解,那種思想上的孤獨...從什麼時候開始,我又變回一個人.可能我真的是被寵壞了..可能我真是任性慣了..可能真是的刁蠻慣了..可能....這些都真是事實的真相嗎?難道我不配用hard feeling去形容自己的感受.........還是我只是被人家的自我中心蒙蔽了罷...我好混亂..
海灘>>>>>謝過你的朱古力.
阿thy>>>>那個東西好吃嗎??
ann>>>>你找我有事嗎??
..................................................................................................
祝各位 情人節快樂.

一只小小小小鳥

在一個樹林中的一顆樹上住著一巢小鳥.其中最小的就是小小鳥.小小鳥一直希望能自由自在的在天空中傲翔.牠不怕跌倒,不怕風雨,只求能在空中追逐那不可握緊的理想.只可惜,牠的肘子給繫上了一道鐵鏈,緊緊的扣在大樹.這使小小鳥連在巢裡來回踱步也感到困難,更遑論飛.小小鳥不知道鐵鏈從何以來,只道它從來就在這裡,或許是跟牠一起從蛋裡 出來的.
小小鳥每天都使自己循規蹈矩安份守己的活在那小小的巢內.盡量使自己滿足各方面的要求.但無論牠怎樣努力,埋怨詛咒仍是不絕.'為什麼你不能把巢打理好.....為什麼你不能像別的鳥兒飛得高.....為什麼你..........為什麼你不像我...(?!)...'小小鳥感到很痛苦,心裡二十萬分難受.....不管牠如何裝扮也達不到要求......牠總不能變身成兩個,五個,或十個不同樣式的自己....牠只是牠..是小小鳥本身而已.小小鳥不能怎樣...亦無路可訴...只能夠獨個兒痛哭...在夜闌人靜時對著那無盡的黑暗痛哭..........
日子一天一天過..小小鳥從未放棄過那飛理想.乘無人注意的一剎,牠會偷偷的解下鐵鏈,自家兒的學飛.雖然跌得很痛,雖然給別的鳥兒嘲笑...但小小鳥知道終於都會學懂.或許飛得不高,飛得不遠,但要離開己經不會是件難事.儘管如此,牠亦沒有想過要離開.不論怎樣,這裡仍是牠的家.牠永遠都會選擇繼續捱罵...寧願自己暗地裡再找尋自己的世界.........
(最無奈的不是小小鳥捱罵..小小鳥不會離開...而是..小鳥天生不就是要飛的嗎??....唉......)

精神開年

我1整天都沒有接聽他的來電(其實係所有來電~他=所有).原因不外乎午睡...雙手沒空...等等.本來,打算再晚一點的時候給他回電,在這之前,手機震動,雖然我還是沒有接聽,但我立即覆call.他那頗憂怨的聲調令我有點意外...原來我的不接來電讓他感覺痛苦了.>>>好唔好意思從沒想過會這樣嚴重我下次會留意得得覆你電話了.

呢1件事raise左好多問題出黎.
他>>>(1)唔覆電話成日都唔覆電話係咁唔覆佢電話=佢不太重要..........(?!)...(2)我會唔會見佢傻呼呼的樣子偷偷的約會其他男孩??(3)之后.....(4)=(1),(5)=(2),(6)=(3)...etc
完全明白佢諗呢d野都係無可口非架,雖然我都仲係十個唔高興囉.(1)1個你weight到好重o既人竟然質疑自己有幾重...okay無奈囉我.(2)約會其他男孩我還用偷偷嗎?!...但..竟然會認為我去約男仔囉.可惡!! (3)之后.....我都唔知..請..交俾神...請.(4)=(1)=(5)=(2)=(6)=(3)=...........................
談到自卑.毫不內疚自己根本無印象佢自卑d乜.因我唔覺得o個d野有乜好自卑.樣子?高度?身家底細?出唔出去蒲?玩唔玩得?我唔知有咩問題.要是有什麼值得我介意的地方~當初還會跟你跑在一起嗎?......................不用替我擔心.我唔會委屈自己勉強就你,甚到可以話根本唔會特登做d乜黎就你.我只會忠於我自己.反正,迄今,我都唔覺得干過什麼係為了遷就你的;有樣野okay惹人討厭>>>我都未覺得你煩你就話自己煩!!唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩唔煩........1d都唔煩呀!!! 就算真係煩又點?!..慘得過我鍾意呀 !!

后來牽上了1個讓我痛了的pt,就係太好.<太>字有okay負面o既意思,包含過份了,令人受不了的味道.突然,好恐怖~原來好都有太o既時候.並且係自己atat都唔覺!! 我不過唔喜歡對男朋友仔發皮四(不管亂不亂發也不喜歡)唔喜歡作無理取鬧唔喜歡吵咀喜歡有野就攤出黎講喜歡聽罷了!!有錯嗎?!.......太好呢兩個字可以成為太多野o既理由...好一個無懈可擊的理由.我好驚..或者太好給我造成的創傷著實太多....1個1個的傷疤又再淌血...很痛.唔知幾時又會有人同我講太好...不願去想,卻又不由得我不想....不想當好人,好人皆沒有好報.男人都犯賤,好人總不會被珍惜..但我仍不願意吵鬧,不想用謀略...唉..不願去想..卻不由得我不想...........

聊天的氣氛不算佳,但當知道他爹爹看過的照片,認為okay時,感覺還尚算不錯.

新年大吉

農曆新年係我一年裡面最喜歡o既節日黎架.(同利是係無關架但係)雖然今年d節日氣氛就認真麻麻,但係我o既心情都上上佳喎.
1早番到女麻女麻度就睇左套番皂<<極速的士>>d橋唔算新鮮,但係個男主角就真係有d頂癮,所以套野都okay好睇.點拎鐘就落左機地打機,連車都未渣就閃左上去希爾頓睇<<百年好合>>.好明顯就係捧sammi場啦我~可能係sammi病病o既關係,好多個scene都影得佢好醜下>>>成齣戲談唔上好睇,但係都叫做大年初一支持下港產片咁啦.
之后番左去開枱.一開場就睇住要摸黃.就o係打出last只牌呢個關鍵時刻,我就食左鋪5番.(之前無屎啦更連摸兩只紅中,跟住佢又打紅中)~對對糊紅中正花.
新一年,好開始耶.

小學生派成績表

第一次見到佢阿娘>>都okay健談喎佢.第一次見佢只狗狗兒>>就okay過份熱情.第一次見到佢家姐>>都好okay下喎.
本來係去打字格.但係我又懶喎,佢又慢喎..結果都打左半課o既叫做.但係都唔錯丫,有糖水飲.仲有呀,我未試過去放狗狗兒架,雖然我個away msg成日都咁講話自己去放狗狗兒.有樣野唔可以唔寫低,今日其實都係一個好屎屎重要o既日子黎.今日,我講左兩個字..個兩個字o既意義好重大架.我唔係隨口o翕架..我認真架.十年..十年后..一定會架.
雖然有d山長水又遠..但係既然阿伯母盛意咁拳拳叫我去多d落..我自不然就會恭敬不如從命..哈哈哈..唔客氣啦~

小草(續談)

小草抵不住寒風,終於在嚴冬中枯了.然而,當春天來臨,泥土中的根再次得到滋潤,小草又重新的長出來.
有一天,一個有心人發現這顆重新長了出來的小草,從此就好好的栽種它.下雨時,他為小草打傘;刮風時,他用身體給小草擋風;甚至,他會跟小草談天..告訴小草會永遠的保護它...他就是很用心很用心的照顧著小草.
雖然,小草不懂得表達自己,也不會回應,但小草的而且確的很感動..從來就沒有人對這顆毫不起眼的小草這樣好.小草覺得,自己終於遇上一個惜花者.
相信假以時日,這個惜花者一定會帶領著小草跑進傳說裡去..

想抱

講得沒錯,我很喜歡抱的感覺.被心愛的人擁抱在懷內的感覺好奇妙.
好像二人突然被接通,訊息會自動交流似的.
當兩人之間的空間變得愈少,二人擠得愈緊,時間就會過得愈慢(其實係一樣快,或者更快),一剎那的幸福就似被捉緊了一樣.
可能因為這些原因..我往往在抱著就不願放手.

或者我很傻..這些可能都只是我單方面的感覺,是女孩子的一點自製的幻象..但男孩子不一定這麼想.他感覺到的或許會是另一種東西,同我的,實在大不同.我怕..怕..抱會令人唔懂得珍惜..我亦怕抱..會有一天變成公式.我什麼都怕..但請別說我怕得太多.當一個人將什麼都揭露..再沒有一點隱藏時..那種可怕程度....頓時變為一只給拔了刺的刺蝟..脫了瞉的蝸牛..在野外隨時會被風雨催殘.

當一切仍然美麗的時候,我想抱..

又越過高山又越過谷

好1個空氣清新風和日麗車水馬龍秋高氣爽o既日子,1行8人就浩浩盪盪咁跑到西貢行山去.

西貢鹿湖郊遊徑>>>行行重行行,行行又重行行>>>溪>>>吃>>>號稱神行太保o既行山人士乙個>>>大枕蓋>>>萬宜水庫入口>>>北潭涌>>>鳳仙 + 橙汁冰冰>>>西貢>>>299>>>睡>>>很甜的睡>>>睡得很甜>>>跑路回家>>>回家中A>>>回家中B>>>回家中C>>>家

行到腳都跛..但係好滿足..好幸福..cos當了1天小朋友喔.

又係坦白o既時候

我知道有D野係無得呃o既~
即使今日唔知聽日唔知..但如果係打算來一個沒完沒有話,總會有1日要知.雖然OKAY難開口,但係點都1定1定要講..我唔想有任何野隱瞞..1定要講 !!
講左 ~ 好明白係會令人唔係咁好受..甚到會有d難以接受..但無論結果如何我都會照單全收..因為全都是我自己的自作自受.當然,若果係接受我,就得接受我的過去,我的全部,而不只是我的現在和將來.
我都知,我係1個好混亂好混亂o既人.無論思想行為道德倫理價值觀都好有值得商榷o既地方,同好多o既人都有好多o既唔同~唉..好驚驚..真係好驚驚.我怕我會再三的1無所有.我怕你會被嚇跑掉..真係好怕..真..
沒有太大的反應..亦未留意到有很多反感..但感覺己涼了1大截..只可以發揮強項的來強裝鎮定..我無事..一定會無事..

朋友仔2

跟蛇蛇說星期四不能去dine了因為無屎啦更要同婆婆等人dine.而ann亦因功課測驗煩忙未能現身.蛇蛇的反應不太好.佢認為我地兩個係唔想見那些人才藉故潛水....唉..我有d那個..
從前我們實在要好到不得了.上堂吃飯補習談天都可以好好好屎快樂.有你們的日子,我過得好好.依家,蛇蛇如願以償的跑進kong u..我慘兮兮的被扔入ust..ann就運滯的要repeat去.三個人各散東西之餘..關係亦遠了.我想我和ann倒還沒什麼..平時會談天..呻下..仍然好一種好近好親切好了解好從前的感覺.只有蛇蛇.他跟我遠了..他跟ann也遠了.我唔知我可以做d咩.
在我來說,最了解我的朋友仔仍是你兩個.從來,只有你們知我這麼多..我一直都希望有你兩個知己直到永遠..希望.

朋友仔

今日同一個朋友仔聊左好一會兒天.談友誼,談想法,談愛情.
我告訴她,我很想很想跟她當很要好的朋友仔.佢沒有好正面咁回答我,只有表達對我有這個想法的感謝.由我認識佢開始,我就有呢種想法.甚至我會喜歡跟她說自己的東西,我一直認為佢係會好容易咁就明白我點諗,唔知點解,我真係咁諗.我知朋友仔呢家野係雙方面o既..但我會努力..正如我會為愛情努力一樣.

回應

別以為我細路女就會乜野都唔明白..唔好睇我平時傻下傻下就認為我乜都唔諗..或者我明白的我想過的要俾你們想像中的都多好多好多遠好遠好遠.我好清楚自己o係度做緊乜..唔清楚我o既係大家.睇落我可能係想做就做不顧后果毫無根據不問情由心血來潮勇字當頭一副仁者無敵的樣子..做事不依常理雜亂無章無規無矩咁樣樣..但係我唔覺係咁.我有我自己的一套思考的系統,做事的方式,更會為自己挑一條合適的路.
有時我會覺得自已很笨.很多事的結果是可預見的仍要去試,就像眼見面前有牆仍然去碰壁一樣.行為跟不上思想上的理智.雖則從不后悔自己的所作所為,但卻覺得自己笨得要死.可能如果我能夠再笨一點的話可能更好,好多事情變成了意想不到的話,就不會覺得自己那麼笨了.但,碰壁有什麼不好?現在能化的起的時候不去追逐那不能追逐的難道等八十歲時才去嗎..反正人做事都不一定為結果..
不用提醒我去思考.思考已經為我帶來不少苦痛..即使我想停止..思考亦不會因此而停止.有時..對我自己來說,過多的思考反而會是種負累.釀酒的道理我是明白的>>>要釀一瓶好酒..唔計之后釀製時放多少時間心機..需要什麼的氣溫濕度,單單是最初的選料就要很審慎,很多顧慮,要精挑細選揀到最合適的..當然要化好一段時間.
所以..你當真要好好好好的想一下一個不美也不溫柔,表裡不一,情緒化,沒有太多愛心,容易胡思亂想卻死心眼兒的女孩是否你想要的喔.

談電話

自從失意后,我都未嘗好好的談個非實用而有意識o既電話.這個晚上就來了一回.一如以往,和我談天的大都是個男的,這次亦不例外.
他說認識我到現在還沒有我電話,我就直接的告訴他我的號碼.沒多久,再問我是否忙碌中..我說除了矣斯焦和試衫我不算忙.跟住佢問可否給我來電..我說我打俾佢.就係咁,我地就談天了.
內容不算廣泛,主要都係環繞某一些過去的事情,自家的想法和生活上的一點難處.談到好后來,講到有關未知數..呵呵..其實我真係有d高興架係知道左一d野之后..因為之前已經有少少key and lock的感受..我都唔知架.但係..心情突然少忐忑啦..不過係positive o既忐忑..嘻嘻
雖然我因為一個電話就咁高興..但係大家都唔准笑我白痴呀~

剪髮記

講左都成個幾月,終於係人地五番六請之下,我就大駕光臨咁去左剪頭髮.
等等等等等左超超超耐,有人理我喇.佢問我點剪,我就話后面唔使太短,前面要陰..但我又怕唔好睇.跟住條友就剪喇.剪完我覺得唔夠短..同佢講..佢話咁樣先岩..算.
夜晚我愈睇個頭就愈唔順眼,就拿把美勞交剪同自己剪喇.我一只手拿住張紙一只手拿住把剪就對住塊鏡係咁剪..幾經辛苦..終於剪完.
好唔好就見仁見智,但係我鍾意.

團契唱k

今日去左尖沙咀neway唱好k喎同班團契的朋友仔.
唱左好多好多首好慘好慘好應好應o既歌歌.我男o既又唱,女o既當然亦唱,本身喉嚨痛左好屎屎多日o既我唱到變聲咁滯.但係我好叻叻女呀,就算唱乜野都好,我都冇喊喊喎,超級叻女呀.
ivan完來唱高音好屎okay架! 仲有gordon,原來佢係eason o既幕后代唱黎架! 仲有小惠唱歌同笑個陣係兩把聲黎.. 阿九超搞笑..哈哈哈
跟住本來想去打機o既,見一條友就算啦.番左沙田,去搵左個朋友仔,跟住就倦鳥知返lu.
心情經過唱ko既發泄后,變得大好呀..仲有少少得戚添呀覺得唔知點解..自己一路莫名其妙一路繼續得我o既戚..呵呵呵

kee喵

好耐之前,睇過一篇人地寫o既野,再睇番,突然覺得幾應.o個篇野係講只貓貓o既.
故事>>>
記得在小時候，曾經在公園中看到一隻可憐的小貓，那小貓被街童弄得遍體麟傷，左眼像是被火灼傷過，走起路來一拐一拐的，看上去就知道活不了多久。當時我只想把牠抱起撫弄一番。可是，當我伸出雙手，卻被牠狠狠的抓了一把，抓得皮開肉裂。於是，我技巧地用一個膠桶把牠捉了回家，給牠一點牛奶和麵包。起初牠對我很有戒心，瑟縮一角不肯進食。但經過一天饑餓的煎熬，終於慢慢的走過去吃了一點牛奶，但仍是不敢接近我…我努力地拿一些繩球、毛線逗牠玩耍。終於，牠都放下了戒心，伏在我的懷裡。 可是，有一次，我拿著打火機跟牠玩耍，一不小心把打火機擦著了，雖然小貓沒有受傷，但我永不會忘記那小貓見到火焰時，那種驚惶的神色，慌忙走避的情景…此後，每當有朋友到我家作客，並燃火吸煙時，都會見到牠慌忙走避，彷彿是見到鬼魅一般…
<完>
從前對貓貓沒有太大好感的我,很短的時間經歷兩次創傷后,今天原來已變成了這個可憐的小傢伙.再沒有小時候的不死生,無限復活.當受傷了,元氣大創..好一段時間都不可以復原.雖然心裡面仍然會有一份渴求,一份期待,但亦多左十分驚恐.不談自己,即使只是看見人家高興快樂的樣子,心內都免不了一番刺痛.如果臨到我身上..我真的不知怎麼面對.
唔好迫我...如果迫我我就只可以逃.問題己經唔係你地當中有冇人岩我,而係我ready唔到.我發覺自己仍然停留於痛苦的一刻,脫離唔到從前.況且,我依家會多要求一樣野,就係安全..可憐o既kee喵要人錫錫,要人抱抱,仲要人保護.

極限

呢一個晚上,我將人類的容忍,耐性,仁慈皆發揮至極限.
不慍不怒但我好好好好傷心.我估應該係兩倍半的傷心.o係瀝源,不能自我的,我哭了三十秒.
跳上的士,跑到朋友家,再哭了半晚.
這樣的事,在九天之內竟然發生了兩次.好想崩潰.
佢o係依家話要番黎,可能真係天意..
可是,我真係玩唔起..好想屎.

最后,謝謝kity..唔係你,我o個晚真係唔知可以去邊.
謝謝thy..聽我哭,希望不會對你構成太大搔擾.
sori大屎忽,吵了你半晚沒好睡,十個對不起.

2002年大事回顧

JAN>>>>>補習生涯進內最后階段

FEB>>>>>咁大個女未試過係海洋公園開生日會(其實係學校旅行),收左不少好襯我o既低能禮物,高興的.跟住就考mock..其實考同唔考都冇乜分别..

MAR>>>>>連MOCK都考埋,A LEVEL又未到,我回復做豬的日子.除左食,瞓同埋睇電視,我真係唔知我做過D乜.

APR>>>>>A LEVEL喇.點解我仲可以晚晚睇電視同埋11點就瞓O既呢?我都唔知.不過,我都自覺考得OKAY喎..除左PHY驚肥之外.都話架啦,一命二運三風水四積陰德五先至讀書嘛.

MAY>>>>>我D ORAL真係近呀..連自己都忍唔住要讚下自己.吹水一流,中文ORAL要我講個日著緊個對鞋我都可以吹到懶感性咁..有D過火.跟住有日路過新城市喎,咁繞就係招聘會,見咁多人,我又得閒,咪去襯下熱鬧囉.點知係咁襯一襯熱鬧就襯左份數碼通番黎喎.番兩日又放一日咁..岩岩番夠十日就辭左LU..太辛苦喇.人地唔捱得架嘛.得個二千幾銀..HER一聲就冇左LU.

JUN>>>>>係咁同人補習..唔收錢仲貼埋車費同人補喎.唉,佢考之前我身為貼士神咪幫佢貼份題目囉,仲寫埋ANS添.第二日佢同我講,份野中晒..但佢無讀..唉..燥晒啦.

JUL>>>>>放榜.中國文化C英語運用B(本來係C,但係冇理由C咁CHEAP,所以就去嘈,又俾我得喎!)純粹數學D應用數學D物理E.PHY合格我就已經還得神落喇.一個好似我咁屎懶O既學生咁O既成績算唔錯掛..但又要改JUPAS D CHOICE..我真係好想入HKU LLB呀.

AUG>>>>>放榜日我仲去入CAMP.知道火雞大學收我,雖然係2NDCHOICE ,但係都好屎失望.入左CAMP跟住打通宵麻雀第朝仲要仆番出西貢REG添..眼瞓到我屎仲要整呢樣整個樣..煩的.

SEPT>>>>>開學..懶晒勤力咁乜堂都上喎..結果兩個禮拜唔夠就晒D堂,逢星期二,四都唔使番學.跟住識左佢..開始有D瘋狂.

OCT>>>>>MID TERM喇.依家,番學同唔番學其實都無乜分別,反正番咁我都係O係LIBA瞓架啦.唉..好苦,沒有太多朋友,可能係我摺,又可能係我冇住HALL..考MID TERM都仲去織頸巾,無聊的.

NOV>>>>>從呢個月開始,如無必要都唔番學.己經心淡,但都要捱落去,一定要對得住自己對得住人.

DEC>>>>>呢個月我絕學.有必要都唔番.成個月就係番左三日考試(仲要連考試都遲到).成績自然就成PAT屎咁啦.自知離散期不遠..但係可以點,鬼叫自己冇用,又唔講散咩..咪當唔知囉.散左,好難受下.但兩日后,乜事都無LU.呢一年仲係O係一種幸福感覺的包圍下完結添.