Wednesday, May 25, 2005

YAHOO

都好一牌之前~係yahoo投左我最喜愛o既品牌
哈哈..個陣都好少少奸
揀親都係d大路牌子
之后就無左見事

點知上個week佢send封eamil
話要送個usb flash drive俾我
雖然就cheap d
不過都好開心,因為自己超少中d咁o既野

今日去攞左
山長水又遠咁去到銅鑼灣
哈哈..佢用個黑色盒裝住..懶high咁
不過都唔知攞黎就乜..好似冇咩用咁

之后同屎文係旺角行左陣
無買野無食野..入左大圍幫kity攞野
點知..d野未齊
又要約過..
屎文對於自己要攞件衫同糖番屋企好唔滿意咁
嘿嘿..都無計..鬼叫佢應承左

番到屋企..原來咁岩遲我爹五秒入門口
即係話如果我唔去七仔買野就會係同一架車立
..仲趕得切食飯..餓到我丫..

ps出門口個陣係同妹一齊出
落到街佢驚覺自己冇八達通
係兩個銀包都無..三秒后佢再發現個兩個銀包入面都冇錢
=.= 咩人黎架呢d

Saturday, May 21, 2005

星戰3

一個字>>>>得!

好睇呀..等我仲即刻要dl番星戰12456重溫一下
仲好鬼抵睇添..廿五蚊~爽

記得好細好細個個陣睇過應該係星戰45(即係星球大戰一同二)
個陣太細唔係好明..淨係我深印象只綠色老怪物
成日講埋d無綾兩可o既野..講兩句又好似無力就死咁
完來星戰三入面咁鬼勁
做埋d田亮胡佳個d超e難度
仲遙距感應到有麻煩..用后眼瞄準一口氣擊倒背后班野
....

anakin skywalker應左佢個句
對一樣野o既執著變左貪慾(大概係咁)
由註定的救世主(其實佢個仔先係呀應該)
變成個sith, darth vador
老婆都俾佢害死埋..
不過..如果佢唔係咁執著..又唔係佢o既執著促使左夢魘成真的話
咁就唔叫命運啦..

ps..我都幾鍾意 obi wan kanobi

Friday, May 20, 2005

機票

買機票了
經過咁多日商討
仍然有麻煩!!!

我地揀個個package冇三人房
一支亦都唔可以佔半房!!
shit!局住揀間貴d o既有三人房o既酒店
丁頁~咩世界..一人俾多三百呀..
算,當upgrade酒店一粒星

if簽証okay..酒店okay..就會無問題了
但覺得康泰d人好唔得囉
繼前日支人加數都唔識計之后
今日就一個發老皮
一個連client用咩護照都睇唔清楚
差勁! 仲等我之前係yahoo選佢為咩感情品牌
呃晒!

付費..俾表哥..卡..差唔多八千
都幾肉痛=.=如果我都有人贊助你話幾好呢

Thursday, May 19, 2005

又旅行社

本來今日又要出旅行社買package
但係關鍵o既上午
俊係蕉問文:去邊玩..
嘿嘿..那我地就多左野考慮喇

基本上我地係無所謂格
有所謂o既可能係其他人
詭異地我爹同伯父一句都無異議
係咪咁順暢呀真係..唔係好慣

下午太悶又唔想俾成五十蚊睇戲
就一個人行街
終於忍唔住
買左一堆野..竟然不包括泳衣
吹脹..

返屋企前接到佢電話
原來回來了..他的心情要他回來了原來
有點那個..有點陌生
心情呢兩個字令人心寒..

Wednesday, May 18, 2005

旅行社

今日約左屎文出去行旅行社
其實唔係行唔簡單
係想join d澳洲團stay behind

十二點幾出到沙田join由灣仔返入黎o既佢
當然食野先啦
好耐冇正式咁食野..想食好d
去左元祿
叫左個學生餐,一d壽司,海胆
后來以經好飽下,好彩唔記得加廿蚊b的花之戀
一人一舊水
本來諗住請佢 唔使就慳番
嘿..我份人就係咁..唔會迫人俾我請的

永安!丁頁~唔成團喎
其實都預左. .五月澳洲係難d
但俾比較爆笑就係佢一開始就同我地講無乜機
同一般旅行社說你報左先o既做法有所不同

惟有睇package
康泰5290幾okay
要plan一plan..明天再來

行街

有點悶..屎文陪我行街
難得佢唔介意
就去睇泳衣..同內衣

主要都係睇兩件頭o既
兩個人o既眼光好明顯唔係好一致
終於攞起件大家都覺okay o既去試
..但cutting唔係好岩我..
而且上下身的碼都差d
當然地上身要細d下身要大d
...本來都諗住繼續睇
但價錢咁貴..都係later先

轉左個圈就到內衣部
哈..支人真係一d都唔尷尬架喎
唔知d sale屎會以為我地係咩關係呢
哼..平個d都係無size(唔係斷碼,而係根本無!)
..行前少少先發現原來esprit有出內衣
價錢不便宜..但cutting唔係突別好

結果乜都揀唔到
兩手空空就撇左

Tuesday, May 17, 2005

傷追人

原來傷懂追我 不必去躲

幾個鐘之內兩個人兩次

該說的說了
不該說的或者我都說了
只要有request..我就有求必應
可惜..每次的結果都一樣
其實好應該一早就學懂
人都是口是心非
講一套 做一套
講 總是冠冕堂皇 大方得體 振振有詞 大條道理
做 卻會撇開理性 自以為是 唯我獨尊 自相矛盾
實在好有一種無力感
不知道該怎樣 可以怎樣
可能係我自己做得唔好
不懂修飾言詞 不懂看眉頭眼額
甚至 連令人弄明我意思我能力都欠缺
很失敗 亦 很難過
使氣份變得那麼詭異 關係那麼緊張
難受 但 難辭其疚

不想逃避責任 只怕我己經受不起
接連的被拒於千里
說話中的冷漠和厭煩
都不懂承受
很傷..是內傷..
比腿上的幾個傷口更難瘉合
哭不能解決問題
可是控制不了..哭了半個夜晚
曾經有人問我,係咪一個好tough o既人
對..或者我已經習慣放鬆不再記得怎麼tough了
tough一點才可以保護自己tough一點才令人家多信任我
tough才可以得到尊重 tough才可以使人刮目相看

天亮的時候在想
常說:愛字沒有心就只有受
但愛..本身就係用心去受!!

充實的一day

今日的日程係起身讀書考試游水同番屋企

七點幾就起身讀
以追回我尋日所浪費o既光陰
都唔係太專心..
不過都叫規定左自己
要至少見完一課先玩少少
prof o既精華review notes.. good
為我慳唔少時間
另外買書都真係有買書o既好處
個online package的確幾好用
可以搵到下d concept唔係咁得o既位
至一點..仲有二課大三課細睇都未睇
一個鐘衝埋佢連埋換衫

丁頁~又無晏晝食
叫左佢煮都唔煮..都唔知留佢係屋企做乜
忍唔住又氣憤..破戒添!

考...mc都仲okay..two third都for sure
但questions都少hair
其中一題係
問番自己paper寫o既野..咁都得
..老吹..
其實我都知佢實出個套micheal moore架喇
但要去拉記借黎睇我又懶
結果六揀五局住要做一題唔識o既
究竟MNCs係咩呢???連係咩都唔知又點會知佢對世界的好壞處呢..
不過仲有個幾鐘..我可以慢慢諗
逐課d key words拎去拼下..搞左勁耐
突然諗起上個sem的mgto329r..唔通係multi national corporations
唔理喇..照寫..諗半個鐘..寫三分鐘..
交卷仲攞左ta兩粒糖食..呢兩粒糖等於我晚餐夜宵早餐晏晝同tea!

之后去swimming..入馬鞍山
今次最多人有我,紅,藍,橙同宏宏
吹水..唉..有點頹..每人都有點頹.

Monday, May 16, 2005

不濟

今日整個人都有點不濟事
胃脹脹的..食唔安坐唔落..好難受
唔知做咩會咁
搞到乜都做唔到
coz一concentrate就暈
shit! 又係聽日考試..鋪鋪都係咁
結果搞到十二點幾..終於
老大不願意咁吞左粒炭
的確好d囉..唔係心理上..係實際咁好d
丁頁..有d后悔自己太硬頸..

這陣子聊天時都有欠缺什麼的感覺
是我要求太多還是熟不拘禮
關心關懷關顧關愛....去左邊??
累..可能關事
忙..可能關事
病..可能關事
悶..可能關事
算了..早d抖罷..我都一樣.
關係重大
仍然
關人就算
究竟係考試定考驗

先關門大吉
明天一早的關鍵時刻
閉關六小時
好等下午過關斬將
見人殺人 遇佛殺佛

Saturday, May 14, 2005

打羽毛波

今日去左打羽毛波
差唔多打足兩個鐘
到依家..只手都仲軟軟地=.=
哈哈..同同阿妹打好唔同
真係打..出一身汗,好舒服

打完仲可以沖涼
個風筒幾唔錯可以慢慢吹頭cos冇人
但就冇潤膚露囉(結果係body shop查番..嘿)
如果有埋護髮素就仲好
(兩日冇用護髮素洗頭搞到d頭髮唔順)

打左兩q士碌架就去食野lu
做多d運動..個人都精神d

妖..我爹又唔知發乜神經
成日都好似得罪佢咁..=.=

ps只手真係仲好軟囉

Friday, May 13, 2005

黑色星期五

咁難得黑色星期五
..反而我過得幾樂趣!

番去present..又係present
今次完全係佢地做..我只係今日先改少少野
搞到原全背唔到稿
始終唔係自己做o既野係記唔到入腦o既!!
老師好好..係我最喜歡的lang老師
話我四聲一聲唔識分..同'超屎'太多
我自己都知..不過老師好細心咁執我d字音都好開心
自己都想練多d,難得老師咁有心
pre得唔算好..preparation太少..但可以令自己講野慢d己經勁到無得頂

走左去tea..9up左成兩粒幾鐘
哈哈哈..間野人少少,又靜,野都幾抵食..唔錯
好少機會咁樣幾支人坐低吹下水
不過我諗以後機會會多d

swimming..挑..之后無野食
惟有入七仔買支雪之果實
死拎仔..未見過人打尖,口upup眼超超
我望佢又唔敢望我,講野又唔敢大聲d,cheap精!

好想買支蜜桃咪呀..六十九蚊咋..
話時話..我都好耐冇買野..儲錢..

Thursday, May 12, 2005

對不起喔何力人

我不知道會麻煩到你地咁多架
我不知道print b真係咁難搵架
對不起喔你就大人有大量唔好嬲啦..
如果唔係你..我就交唔到功課架喇
你o既大恩大德我沒齒難忘...

Tuesday, May 10, 2005

超級星期二

今天是超級星期二因為我要present我要交paper我要做case我要交assignment仲有midterm!!!忙到連港龍係機場富豪o既interview都去唔到,shit!!midterm係十二點..完全唔識囉!!! biochem!!!總之有個chem字都剋住我!present pre左舊屎!!!!算..一pre完就閃..啋你都傻..張paper將我寫個d野改到咁..早d同我講丫..我唔寫算啦直情
他媽的雞!!!!最后一個月都冇安樂日子過下..

Tuesday, May 3, 2005

機艙服務員

今天一大早起身架起全副武裝去國泰城八點四十五分..岩岩好去到=.=
對!我去in機艙服務員,即係空姐.
208armreach -- pass!之后就self intro同group discussion用英文的..即使唔一定係最好..但至少好過大部份人至少我覺得自己有條理同友善..可惜..result係要我等兩個禮拜同唔識英文個d..同漏口個d..同怯場個d同一種下場
shit!!!完全係sign心機捱眼訓..死左都唔知原因..

Sunday, May 1, 2005

勞動節

年年勞動節都放假唔會點勞動但今個勞動節就要勞動因為pt!
本來番pt係一件好樂趣o既事不過今日係gc..要著suit所以變得好痛苦
著suit的日子特別黑仔冇83x冇91m..
雖然包左一個任叫的lunch雖然我做的是冇咩做(冇咩輪到我做)的reception油位
雖然cocktail d野食野飯又有我份(fruit punch, 紅酒七, 橙汁香賓,cake,tart,串燒等全部都好正)
但因為正腳愈黎愈痛..所以都仲係覺得好痛苦
走個陣..又冇91m又冇82x shit!
ps..錯過了馬會真可惜.